समता दिवसमा दलित संघको विचार गोष्ठी

राजनीति

गृहपृष्ठ
राजनीति
समता दिवसमा दलित संघको विचार गोष्ठी

समता दिवसमा दलित संघको विचार गोष्ठी

बिहीबार, जेठ १०, २०८१ बागेश्वरी पोस्ट

नेपालगन्ज । नेपाल दलित संघ जिल्ला कार्यसमिति बाँकेले आज समता दिवसको अवसरमा विचार गोष्ठी गरेको छ । दलित संघका जिल्ला अध्यक्ष कृष्ण बहादुर विकको अध्यक्षता एवम् नेपाली काँग्रेस बाँकेका सभापति नारायण प्रसाद गौडेलकाे प्रमुख आतिथ्यतामा विचार गोष्ठी सम्पन्न भएको हो । गोष्ठीमा बोल्दै सभापति गौडेलले समतामूलक समाज निर्माणका लागि कांग्रेस प्रतिबद्ध रहेको बताउँदै समृद्ध समाज बनाउन विभेदरहित वातावरणको आवश्यकता औंल्याए । उनले बोलीमा मात्रै समता भन्ने तर व्यवहारमा लागू नगर्ने परिपाटी हटाउनुपर्नेमा जोड दिए । गौडेलले जातीय विभेद र उत्पीडनको अवस्था अन्त्य नहुँदासम्म समतामूलक समाज निर्माण हुन नसक्ने उल्लेख गरे ।

गोष्ठीमा नेपाली काँग्रेस बाँकेका उपसभापतिद्वय गोपाल प्रसाद अधिकारी र कृष्ण बहादुर कार्की, सचिव शुधान्सु कोइराला, सह-सचिवद्वय विनोद थारु र रेणु सिंह ठाकुर तथा महासमिति सदस्य एवम् कोहलपुर नगरपालिकाका मेयर पूर्ण प्रसाद आचार्य, महासमिति सदस्यहरु चिन्तामणि धिताल, लुट बहादुर खत्री, लक्ष्मी नारायण शाह, मेघराज वली, क्षेत्र नं. १ का सभापति पोषण केसी, क्षेत्र नं.२ का सभापति रमेश कुमार गुप्ता, नेपाल दलित संघका केन्द्रीय उपाध्यक्ष कृष्णबहादुर विके रसाइली, कांग्रेस महाधिवेशन प्रतिनिधिहरु, क्षेत्र नम्बर १ का निर्वतमान सभापति माधवराम खत्री, कांग्रेस प्रदेश सभापतिहरु, पालिका सभापतिहरु, वडा अध्यक्षहरु, नेपाल दलित संघ तीन वटै क्षेत्रका सभापतिहरु, उपमहानगरपालिका-नगरपालिका सभापति, भ्रातृ संघ तथा शुभेच्छुक संघसंस्थाका अध्यक्ष एवम् प्रतिनिधिहरु, नेपाली काँग्रेससंग आबद्ध नेता कार्यकर्ताको उपस्थिति थियो ।

प्रकाशित मिति: बिहीबार, जेठ १०, २०८१ २२:००

प्रतिक्रिया दिनुहोस्