'रोजगारीको सारथी साथीसंसार'

समाचार

गृहपृष्ठ
समाचार
'रोजगारीको सारथी साथीसंसार'

'रोजगारीको सारथी साथीसंसार'

मंगलबार, जेठ १५, २०८१ बागेश्वरी पोस्ट

नेपालगञ्ज । के तपाईं जागिरको खोजीमा हुनुहुन्छ, कोठा वा घर भाडामा खोजिरहनुभएको छ, काम गर्ने मान्छेको खोजीमा हुनुहुन्छ अथवा के तपाईं बजारबाट उत्पादन खोजिरहनुभएको छ या आफ्नो उत्पादन बजारमा विक्रि गर्न चाहनुहुन्छ ? यसको समाधान अब तपाईंलाई दिनेछ, साथीसंसार डटकम (www.sathisansaar.com) ले । 'तपाईंको आफ्नै साथी' स्लोगनसहित ब्रेन्ट सर्भिस प्रालिले साथीसंसार डटकम लञ्च गरेको छ ।

नेपालगञ्जमा आज एक कार्यक्रमको आयोजना गरेर साथीसंसार डटकम लञ्च गरिएको हो । रोजगारीको खोजी गर्ने, काम गर्ने मान्छेको खोजीमा रहेकाहरु तथा आफ्ना उत्पादनको विक्रि वितरण गर्ने लगायतका सबै सेवा एकै ठाउँबाट प्रवाह गर्ने उद्देश्यले साथीसंसार डटकम नामक वेबसाइट सञ्चालनमा ल्याएको ब्रेन्ट सर्भिस प्रालिका सिइओ प्रेम बहादुर चन्दले बताए । उनले सुरुको ६ महिना निःशुल्क सेवा प्रदान गरिने समेत बताए ।

साथीसंसारलाई कृषि तथा पशुजन्य बस्तु उत्पादन र विक्रि, हस्तकलाका सामग्री उत्पादन र विक्रि, कोठा भाडा, घर भाडा, गाडी भाडा, जागिरको खोजी, काम गर्ने मान्छको खोजी गर्नेहरुको साझा थलो बनाइने बोर्ड अफ डाइरेक्टर नवराज उपाध्यायले बताए । उनका अनुसार आवश्यकता अनुसार दक्ष काम गर्ने मान्छे उत्पादनका लागि पनि साथीसंसारले काम गर्नेछ । कार्यक्रमको सञ्चालन ब्रेन्ट सर्भिस प्रालिका ईश्वर शर्माले गरेका थिए ।

प्रकाशित मिति: मंगलबार, जेठ १५, २०८१ १६:२५

प्रतिक्रिया दिनुहोस्