जिल्ला दौडाहामा कांग्रेस नेताहरु, बुझ्दै कार्यकर्ताका भावना

राजनीति

गृहपृष्ठ
राजनीति
जिल्ला दौडाहामा कांग्रेस नेताहरु, बुझ्दै कार्यकर्ताका भावना

जिल्ला दौडाहामा कांग्रेस नेताहरु, बुझ्दै कार्यकर्ताका भावना

शुक्रबार, जेठ १८, २०८१ बागेश्वरी पोस्ट

नेपालगञ्ज । नेपाली कांग्रेसका नेताहरु जिल्ला तहको अवस्था बुझ्न जिल्ला दौडाहामा निस्केका छन् । सुर्खेत-दैलेख जाने क्रममा नेपाली कांग्रेस बाँकेको पार्टी कार्यालयमा आएर नेता कार्यकर्तालाई सम्बोधन गरेका नेताहरुले कांग्रेसलाई सशक्त र संगठित बनाउन तल्लो तहसम्म गतिशिलता बढाउनुपर्नेमा जोड दिएका छन् । केन्द्रीय सदस्य एवम् पूर्व मन्त्री एनपी साउदले विगतमा गठबन्धन गर्नु बाध्यता भएको बताउँदै अब पार्टीलाई बलियो बनाउने दिशामा सबै तहका नेता तथा कार्यकर्ताले काम गर्नुपर्ने बताए ।

May be an image of 10 people, hospital and text that says 'Cecen रारिकता RqrE दद FI E कार्यकर्ता मेटघाट कार्रकर्तामेटघाटतथ वथ सम्योघन सम्बोघनकार्यक्र कायतर্म'

कार्यकर्ता भेटघाट कार्यक्रमलाई सम्बोधन गर्दै केन्द्रिय सदस्यहरु डा. डिला संग्रौला, गोविन्द बहादुर शाह र अब्दुल सत्तारले पार्टीलाई बलियो बनाउन सबै तहका नेता कार्यकर्ता जनतामाझ पुग्नुपर्नेमा जोड दिए । त्यसक्रममा जिल्लास्तरका नेता कार्यकर्ताले पार्टीलाई बलियो बनाउनका लागि स्थानीयस्तरमा देखिएका समस्या तथा चुनौतीहरुको बारेमा जानकारी गराएका थिए ।

नेपाली कांग्रेस बाँकेका सभापति नारायण प्रसाद गौडेलको अध्यक्षतामा सम्पन्न भएको कार्यक्रममा नेपाली कांग्रेसका केन्द्रिय सदस्य एवम संविधानसभा सदस्य मैकुलाल वाल्मिकी, पूर्व पार्टी सभापति कृष्णमान श्रेष्ठ लगायत नेताहरुको उपस्थिति रहेको थियो । पार्टी उपसभापति गोपाल प्रसाद अधिकारीले स्वागत मन्तब्य ब्यक्त गरेको कार्यक्रमको सञ्चालन सचिव सुधांशु कोइरालाले गरेका थिए ।

May be an image of 9 people and people studying