लुम्बिनी सरकारमा बाँकेकी 'नमुना' पुनः मन्त्री बनिन्

राजनीति

गृहपृष्ठ
राजनीति
लुम्बिनी सरकारमा बाँकेकी 'नमुना' पुनः मन्त्री बनिन्

लुम्बिनी सरकारमा बाँकेकी 'नमुना' पुनः मन्त्री बनिन्

सोमबार, जेठ २१, २०८१ बागेश्वरी पोस्ट

नेपालगन्ज । लुम्बिनी प्रदेश सरकारका मुख्यमन्त्री जोखबहादुर महराले मन्त्रिपरिषद्लाई पूर्णता दिएका छन् । महराले आज माओवादीकी बाँके निर्वाचन क्षेत्र नं. १(१)बाट निर्वाचित कृष्णा केसीलाई उर्जा, जलस्रोत तथा सिंचाई मन्त्रीमा नियुक्त गरेका हुन् । उनको नियुक्तिसँगै लुम्बिनी प्रदेशको मन्त्रिपरिषद् १२ सदस्यीय बनेको छ ।

मुख्यमन्त्री महरा चैत २३ गते मुख्यमन्त्रीमा नियुक्त भएका थिए । गत वैशाख १२ गते मुख्यमन्त्री महराले मन्त्रिपरिषद्को बिस्तार गरेपनि उर्जा, जलस्रोत तथा सिंचाई मन्त्रालय आफैंले राखेका थिए । नवनियुक्त मन्त्री केसीले आज नै प्रदेश प्रमुख समक्ष देउखुरीको लुम्बिनी हलमा पद तथा गोपनीयताको सपथग्रहण गरेकी छन् । उनी यसअघि पनि पटक-पटक मन्त्री बनिसकेकी छिन् ।

प्रकाशित मिति: सोमबार, जेठ २१, २०८१ १६:०८

प्रतिक्रिया दिनुहोस्