बजेट कार्यान्वयन नगर्ने प्रबृत्ति नपछ्याउन सरकारलाई सांसद गिरीको आग्रह

समाचार

गृहपृष्ठ
समाचार
बजेट कार्यान्वयन नगर्ने प्रबृत्ति नपछ्याउन सरकारलाई सांसद गिरीको आग्रह

बजेट कार्यान्वयन नगर्ने प्रबृत्ति नपछ्याउन सरकारलाई सांसद गिरीको आग्रह

बुधबार, जेठ २३, २०८१ बागेश्वरी पोस्ट

काठमाडौं । नेपाली कांग्रेसका सांसद दिपक गिरीले कार्यक्रम घोषणा गर्ने तर, कार्यान्वयन नगर्ने प्रबृत्ति नपछ्याउन सरकारलाई आग्रह गरेका छन् ।

आज प्रतिनिधिसभामा बजेटमाथिको छलफलमा बोल्दै उनले यस्तो आग्रह गरेका हुन् । उदाहरणका रुपमा उनले बजेटमा सातै प्रदेशमा बृद्धाश्रम बनाउने विषय आएको उल्लेख गर्दै यसको कार्यान्यवनको पखाईमा आफू रहने बताए ।

‘सातै प्रदेशमा सुविधा सम्पन्न बृद्धाश्रमको स्थापना गरिनेछ भनेर बडो गहकिलो शब्द उल्लेख गरिएको छ । हेर्छु मैले एक वर्ष यो बन्छ कि बन्दैन ? यसमा सिरियस हुन जरुरी छ,’ सांसद गिरीले भने ।

नेपालमा प्रजातन्त्र आइसकेपछि २००८ साल माघ २१ गते प्रथम बजेट प्रस्तुत भएको स्मरण गर्दै उनले भने, ‘त्यसबेला सुवर्ण शमशेरले बजेट प्रस्तुत गर्दा समानता, समृद्धि र असमानता हटाउने मुख्य कुरामा जोड दिनुभएको रहेछ ।’ अहिले पनि यस्तै विषय आउने गरेको भन्दै उनले जनताको जीवनस्तर परिवर्तनका लागि बजेट कार्यान्वयन हुनुपर्नेमा जोड दिए । अनलाइनखबर

प्रकाशित मिति: बुधबार, जेठ २३, २०८१ १५:३७

प्रतिक्रिया दिनुहोस्