लुम्बिनी प्रदेश स्तरीय जलवायु कार्य र न्याय नेटवर्क गठन

समाचार

गृहपृष्ठ
समाचार
लुम्बिनी प्रदेश स्तरीय जलवायु कार्य र न्याय नेटवर्क गठन

लुम्बिनी प्रदेश स्तरीय जलवायु कार्य र न्याय नेटवर्क गठन

बिहीबार, जेठ २४, २०८१ बागेश्वरी पोस्ट

नेपालगन्ज । विश्व वातावरण दिवसको आवसरमा लुम्बिनी प्रदेश स्तरीय 'जलवायु कार्य र न्याय नेटवर्क' गठन गरिएको छ । वातावरण संरक्षणको क्षेत्रमा क्रियाशील क्लिन अप नेपाल (स्वच्छ सफा नेपाल) काठमाण्डौंले नमस्कार शाहको संयोजकत्वमा ११ सदस्यीय लुम्बिनी प्रदेशस्तरीय जलवायु कार्य र न्याय नेटवर्क गठन गरेको हो ।

प्रदेश तहमा वातावरण संरक्षण, फोहोरमैला व्यवस्थापन, स्वच्छ हावा र जलवायु न्याय सम्बन्धि नीतिगत सवाल, कार्यान्वयन तथा पैरवी गर्ने उद्देश्यले सञ्जाल गठन गरिएको हो । लुम्बिनी प्रदेश स्तरीय जलवायु कार्य र न्याय नेटवर्कमा हेमराज भट्ट, हेमन्तराज काफ्ले, खुमेश सुवेदी, समीर ओली, सुष्मा ग्रेस, सरु सुनार, हेमा सुनार, लुना बुढाथोकी, सिमरत कौर र सुष्मा बस्याल सदस्यको रुपमा रहेका छन् । क्लिन अप नेपाल (स्वच्छ सफा नेपाल) काठमाण्डौंको छातामुनि सञ्चालन हुँदै आएको यो नेटवर्कले जलवायु र वातावरण संरक्षणका प्रयासहरूमा एकता बढाउन मञ्च प्रदान गर्नेछ ।

नेपालका अन्य प्रदेशमा पनि छिट्टै यस्तै नेटवर्क स्थापना गरी देशभर संगठनको सञ्जाललाई मजबुत बनाउने लक्ष्य रहेको संस्थाका कार्यकारी निर्देशक रबिन्द्र लामिछानेले बताए ।

प्रकाशित मिति: बिहीबार, जेठ २४, २०८१ १२:५८

प्रतिक्रिया दिनुहोस्