नेपालगञ्ज उपमहानगरको 'व्यवसाय निरन्तरता योजना' कार्यान्वयनको अवस्थाबारे छलफल

समाचार

गृहपृष्ठ
समाचार
नेपालगञ्ज उपमहानगरको 'व्यवसाय निरन्तरता योजना' कार्यान्वयनको अवस्थाबारे छलफल

नेपालगञ्ज उपमहानगरको 'व्यवसाय निरन्तरता योजना' कार्यान्वयनको अवस्थाबारे छलफल

बुधबार, जेठ ३०, २०८१ बागेश्वरी पोस्ट

नेपालगञ्ज । नेपालगञ्ज उपमहानगरपालिकाको व्यवसाय निरन्तरता योजना कार्यान्वयनको अवस्थाबारे छलफल गरिएको छ । नेपालगञ्ज उपमहानगरपालिकाले देशमै पहिलोपल्ट गत बर्ष नै व्यवसायिक निरन्तरता योजना निर्माण गरेको थियो । योजना राजपत्रमा प्रकाशित भएर कार्यान्वयनमा छ । उक्त योजनामा समेटिएको विषयबस्तु, त्यसको समीक्षा र आवश्यक थपघट गर्नुपर्ने विषयका बारेमा आज छलफल गरिएको हो । भूकम्प लगायतका प्रकोपका कारण सिर्जना हुने विपदको अवस्थामा समेत आपतकालीन सेवा लगायत अन्य अत्याबश्यकीय सेवा सुचारु अवस्थामा राख्नका लागि पूर्व तयारी गर्ने उद्देश्यका साथ व्यवसाय निरन्तरता योजना बनाइन्छ ।

May be an image of 9 people, dais and text

नेपालगञ्ज उपमहानगरपालिकामा सञ्चालित सहरी विपद तथा भूकम्पीय पूर्व तयारी परियोजना (सुपर) संगको सहकार्यमा व्यवसाय निरन्तरता योजना बनाइएको हो । विज्ञ सुनिल सन शाक्यले योजना कार्यान्वयनको अवस्था, समेट्नुपर्ने अन्य छुटफुट विषय, प्रभावकारी कार्यान्वयनका लागि गरिनुपर्ने पूर्व तयारी लगायतका विषयमा सहजीकरण गरेको आपतकालीन कार्य सञ्चालन केन्द्रका सूचना व्यवस्थापन अधिकृत रुपन ज्ञवालीले बताए । छलफल कार्यक्रम नेपालगञ्ज उपमहानगरपालिकाका विपद तथा वातावरण समिति संयोजक समिर प्रताप सिंहको अध्यक्षतामा सम्पन्न भएको थियो । छलफलको उद्देश्यमाथि विपद तथा वातावरण शाखा प्रमुख प्रकाश डिसीले प्रकाश पारेका थिए । कार्यक्रममा वडा अध्यक्ष, कार्यपालिका सदस्य, विभिन्न समितिका संयोजक, महाशाखा एवम् शाखा प्रमुख, रेडक्रसकर्मी लगायतको उपस्थिति थियो ।

युरोपियन युनियनको आर्थिक सहयोग तथा युएनडिपी, युनिसेफ र युएन ओमनको साझेदारी तथा नेपाल रेडक्रस सोसाइटी बाँके शाखाको प्राविधिक सहयोगमा नेपालगञ्ज उपमहानगरपालिकामा सुपरले भूकम्पीय जोखिम न्यूनीकरणका लागि काम गरिरहेको छ ।

May be an image of 10 people and text