पहिरोमा पुरिएर एकै परिवारका ४ जनाको मृत्यु

समाचार

गृहपृष्ठ
समाचार
पहिरोमा पुरिएर एकै परिवारका ४ जनाको मृत्यु

पहिरोमा पुरिएर एकै परिवारका ४ जनाको मृत्यु

शुक्रबार, जेठ ३२, २०८१ बागेश्वरी पोस्ट

ताप्लेजुङ । ताप्लेजुङमा पहिरोमा पुरिएर एकै परिवारका ४ जनाको मृत्यु भएको छ । पहिरोमा परेर २ जना घाइते भएका भएका छन् । जिल्लाको फक्ताङलुङ गाउँपालिका–२ खेजिनिममा गएराति पहिरोमा पुरिएर एकै परिवारका ४ जनाको मृत्यु हुँदा दुई जना घाइते भएको ताप्लेजुङ प्रहरीले जनाएको छ ।

प्रहरीका अनुसार पहिरोमा पुरिएर फक्ताङलुङ गाउँपालिका–२ खेजिनिमका ६९ वर्षीय रामबहादुर लिम्बू, उनकी श्रीमती जसमाय र लिम्बू दम्पतीका छोरीहरू नौ वर्षीया गङ्गा र जमुनाको मृत्यु भएको हो ।

यसैगरी ४० वर्षीया युगेन लिम्बू र उनकी तीन वर्षीय छोरी घाइते भएका छन् ।

गत बुधबार रातिदेखिको अविरल वर्षासँगै आएको बाढीले फक्ताङलुङ गाउँपालिका क्षेत्रमा छ वटा पुल बगाएको छ ।

पुल बगेपछि यातायातका साधन सञ्चालनमा समस्या भएको जिल्ला प्रहरी कार्यालयले जनाएको छ ।

प्रकाशित मिति: शुक्रबार, जेठ ३२, २०८१ ०७:३३

प्रतिक्रिया दिनुहोस्