टिपरले ज्यान लिएपछि आगजनी

समाचार

गृहपृष्ठ
समाचार
टिपरले ज्यान लिएपछि आगजनी

टिपरले ज्यान लिएपछि आगजनी

शुक्रबार, जेठ ३२, २०८१ बागेश्वरी पोस्ट

राप्तीसोनारी । बाँकेको राप्तीसोनारी गाउँपालिका-९ स्थित पूूर्वपश्चिम राजमार्गको ढकेरीमा टिपरले मोटरसाइकललाई ठक्कर दिँदा मोटरसाइकलमा सवार एक जनाको मृत्यु हुँदा स्थानीयले टिपर नै जलाएका छन् ।

गएराति ढकेरीमा शम्शेरगञ्जबाट कोहलपुरतर्फ जाँदै गरेको भे१ख ३०१९ नम्बरको टिपरले पश्चिमबाट पूूर्वतर्फ जाँदै गरेको भे१०प १४९३ नम्बर मोटरसाइकललाई ठक्कर दिँदा मोटरसाइकलमा सवार राप्तीसोनारी ८ का ३६ वर्षीय लोकेन्द्रबहादुर विष्टको मृत्यु भएको बाँके प्रहरीले जनाएको छ ।

मोटरसाइकलमा सवार विष्टको मृत्यु भएपछि आक्रोशमा आएका स्थानीयले चक्काजाम गर्दै उक्त भे१ख ३०१९ नम्बर टिपरमा तत्कालै आगजनी गरेका थिए । पीडितहरुले उचित क्षतिपूर्तिको माग गर्दै बिहानसम्म चक्काजाम गर्दा नेपालगञ्ज हुँदै फत्तेपुर भएर जाने हुलाकी सडकबाट अन्य सवारीसाधनलाई पठाइएको जिल्ला प्रहरी बाँकेले जानकारी दिएको छ । बिहान अबेर सहमति हुँदा शवलाई पोस्टमार्टमका लागि भेरी अस्पताल लगिएको थियो ।

प्रहरीले चालकको पहिचान भइसकेको र उनलाई तत्काल पक्राउ गर्ने सहमति भएपछि रातभर सडकमै रहेको मृतकको शवलाई पीडितहरुले उठाउन दिएको प्रहरीले जनाएको छ ।

प्रकाशित मिति: शुक्रबार, जेठ ३२, २०८१ १६:३६

प्रतिक्रिया दिनुहोस्