नेपालगञ्जमा बकर इदको रौनक, इदगाहमा सामूहिक नमाज

समाचार

गृहपृष्ठ
समाचार
नेपालगञ्जमा बकर इदको रौनक, इदगाहमा सामूहिक नमाज

नेपालगञ्जमा बकर इदको रौनक, इदगाहमा सामूहिक नमाज

सोमबार, असार ३, २०८१ बागेश्वरी पोस्ट

नेपालगञ्ज । इस्लाम धर्मावलम्बीको दोस्रो ठूलो पर्व बकर इद (इद उल अजहा) आज धुमधामसंग मनाइँदैछ । नेपालगञ्जमा पनि बकर इदको रौनक देखिएको छ ।

इदको अवसरमा इस्लाम धर्मावलम्बीले नेपालगञ्ज विपी चोकस्थित इदगाहमा सामूहिक नमाज पढेका छन् । बाँकेमा मुस्लिम समुदायको बाक्लो बसोबास छ । यहाँ इदको विशेष उल्लास हुन्छ ।

बकर इद पर्व रमजान अर्थात् इदुलफित्र पछिको दोस्रो ठूलो चाड हो । रमजान पर्वको ७०औँ दिनमा मनाउने यो पर्वमा आर्थिकरूपमा सबल मानिस हज गर्न साउदी अरबको मक्का मदिना जाने गर्छन् । यस पर्वमा अल्लाहलाई खुसी पार्न मुसलमानले धर्मले जायज मानेका जनावरलाई कुर्बानी (बली) दिने गर्दछन् ।

कुर्बानीको मासु तीन भागमा बाँडी वितरण गरिन्छ । एक भाग गरिब एवं विपन्न परिवार, एक आफ्ना इष्टमित्र र अर्को भाग आफूले खानुपर्ने धार्मिक मान्यता छ ।

प्रकाशित मिति: सोमबार, असार ३, २०८१ १०:५२

प्रतिक्रिया दिनुहोस्