हुरी बतासले पर्खाल भत्किँदा महिलाको मृत्यु

समाचार

गृहपृष्ठ
समाचार
हुरी बतासले पर्खाल भत्किँदा महिलाको मृत्यु

हुरी बतासले पर्खाल भत्किँदा महिलाको मृत्यु

बिहीबार, असार ६, २०८१ बागेश्वरी पोस्ट

नेपालगन्ज । बाँकेमा गएराति आएको हुरी बतासले पर्खाल भत्किँदा एक जनाको मृत्यु भएको छ । मृत्यु हुनेमा कोहलपुर–१४ की मीना खातुन छिन् ।

जिल्ला प्रहरी कार्यालय बाँकेका प्रहरी नायब उपरीक्षक नारायण डाँगीका अनुसार कोहलपुरको हवल्दारपुरमा हुरी बतासले पर्खाल भत्किँदा खातुनलाई च्यापेको थियो । उनले स्थानीय राम्रो इन्टरप्राइजेज लगायतमा काम गर्ने गरेको प्रहरीको भनाई छ ।

त्यस्तै विद्युतको पोलमा क्षति पुर्‍याउँदा बाँकेका केही स्थानीय तहमा विद्युत आपूर्ति बन्द भएको छ । जिल्लाको डुडुवा, राप्तीसोनारी, नरैनापुर लगायतका स्थानमा विद्युत आपूर्ति बन्द भएको नेपाल विद्युत् प्राधिकरण नेपालगञ्ज वितरण शाखाका प्रमुख जगन्नाथ लामिछानेले जानकारी दिए ।

हुरी बतासका कारण जिल्लाको डुडुवा गाउँपालिका वडा नम्बर १ खडैंचामा आगलागी हुँदा ३४ वटा खरले छाएका घर जलेका छन् । घरमा रहेका अन्नपात समेत जलेको प्रहरीले जनाएको छ । रासस

प्रकाशित मिति: बिहीबार, असार ६, २०८१ १४:१०

प्रतिक्रिया दिनुहोस्