लागूऔषध ओसारपसार विरुद्धको दिवसका अवसरमा ७७ जनाद्वारा रक्तदान

समाचार

गृहपृष्ठ
समाचार
लागूऔषध ओसारपसार विरुद्धको दिवसका अवसरमा ७७ जनाद्वारा रक्तदान

लागूऔषध ओसारपसार विरुद्धको दिवसका अवसरमा ७७ जनाद्वारा रक्तदान

मंगलबार, असार ११, २०८१ बागेश्वरी पोस्ट

नेपालगन्ज । ३७औं लागूऔषध दुरुपयोग तथा अवैध ओसारपसार विरुद्धको अन्तर्राष्ट्रिय दिवसको अवसरमा आयोजना गरिएको रक्तदान कार्यक्रममा ७७ जनाले रक्तदान गरेका छन् । आज नेपाल रेडक्रस सोसाइटी, क्षेत्रीय रक्तसंचार केन्द्रमा आयोजना गरिएको रक्तदान कार्यक्रममा लागूऔषधविरुद्ध काम गर्ने संघसंस्थाका प्रतिनिधिहरुले रक्तदान गरेका हुन् ।

रिकभरिङ्ग नेपाल लुम्बिनी प्रदेशको सहकार्यमा जिल्ला प्रशासन कार्यालय बाँकेले आयोजना गरेको रक्तदान कार्यक्रमको उद्घाटन जिल्ला प्रशासन कार्यालय बाँकेका प्रमुख खगेन्द्र प्रसाद रिजालले गरेका थिए । रिकभरिङ्ग नेपाल लुम्बिनी प्रदेश अध्यक्ष इन्द्रा कुमारी जिसीले रेडक्रसमा देखिएको रगतको अभावलाई केही हदसम्म सम्बोधन गर्न रक्तदान कार्यक्रमको आयोजना गरिएको बताइन् ।

रिकभरिङ्ग नेपाल लुम्बिनी प्रदेश महासचिव यशोदा ज्ञवालीले दिवसको अवसरमा भोली समापन कार्यक्रम पनि अयोजना गरिने बताइन् । समापनको अवसरमा जिल्ला प्रशासन कार्यालय बाँके, रिकभरिङ्ग नेपाल लुम्बिनी प्रदेश लगायतको सहभागितामा जिल्ला प्रशासन बाँकेदेखि र्याली सुरु गरी वीपी चोकमा समापन गर्ने कार्यक्रम रहेको ज्ञवालीले बताइन् । उनले दिवसको अवसरमा भोली बेलुकी दीप प्रज्वलन समेत गरिने बताए ।

रिकभरिङ्ग नेपाल लुम्बिनी प्रदेश फोकल पर्सन प्रवीण विसीले हरेक वर्ष लागूऔषधविरुद्धको दिवसका अवसरमा विभिन्न कार्यक्रम गर्दै आएको बताउँदै यस वर्ष पनि सप्ताहब्यापी कार्यक्रमको अयोजना गरिएको बताए ।

प्रकाशित मिति: मंगलबार, असार ११, २०८१ १९:५१

प्रतिक्रिया दिनुहोस्