चट्याङ लागेर कपिलवस्तु र कैलालीमा चार जनाको मृत्यु

समाचार

गृहपृष्ठ
समाचार
चट्याङ लागेर कपिलवस्तु र कैलालीमा चार जनाको मृत्यु

चट्याङ लागेर कपिलवस्तु र कैलालीमा चार जनाको मृत्यु

बुधबार, असार १२, २०८१ बागेश्वरी पोस्ट

नेपालगन्ज । कपिलवस्तुमा चट्याङ्ग लागेर दुई जनाको मृत्यु भएको छ । आज बिहान खेतमा काम गर्न जाने क्रममा चट्याङ लागेर मृत्यु हुनेमा यशोधरा गाउँपालिका -६ भैसाहिया वर्ष २२ का महेश कलवार र बुद्धभूमि नगरपालिका-१० धनकौलीका १७ वर्षका राजु ठाकुर रहेको कपिलवस्तु प्रहरीका सूचना अधिकारी प्रहरी नायव उपरीक्षक हरि बहादुर वलीले जानकारी दिए ।

यस्तै कैलालीमा पनि चट्याङ लागेर दुई जनाको मृत्यु भएको छ । अन्य ६ जना घाइते भएका छन् । जिल्ला प्रहरी कार्यालय कैलालीका प्रहरी नायव उपरीक्षक कबिन्द्र सिंह बोहराले जोशीपुर गाउँपालिका वडा नम्बर ३ भितरिया बस्ने वर्ष ३१ का जयराम डगौरा र धनगढी उपमहानगरपालिका १८ बस्ने वर्ष २७ का शालिम चौधरीको मृत्यु भएको जानकारी दिए । उनका अनुसार आज बिहान साढे ७ बजे डगौरालाई घर नजिकैको खेतमा आलि लगाउने क्रममा चट्याङ लागेको थियो ।

यस्तै आजै बिहान ८ बजेको समयमा शालिम चौधरीलाई पनि घर नजिक रहेको खेतमा रोपाइँ गर्ने क्रममा चट्याङ लागेको थियो उनको सेती प्रादेशिक अस्पताल धनगढीमा उपचारकै क्रममा मृत्यु भएको बोहराले जानकारी दिए । यस्तै कैलालीको जानकी गाउँपालिका वडा नम्बर ४ बेलपुर बस्ने वर्ष २९ की रिता कठरिया, वर्ष २३ की सुस्मा डगौरा, भजनी नगरपालिका वडा नम्बर ६ बस्ने वर्ष ५५ का राम बहादुर चौधरी, घोडाघोडी नगरपालिका–९ बुदेनी बस्ने वर्ष ९ की सरस्वती भुल, वर्ष ७ की पारु कठायत र वर्ष १० की खिमा कठायत समेत चट्याङ लागेर घाइते भएका छन् ।

प्रकाशित मिति: बुधबार, असार १२, २०८१ १२:३५

प्रतिक्रिया दिनुहोस्