दक्षिण अफ्रिकालाई हराउँदै भारत बन्यो टी-२० विश्वकप च्याम्पियन

खेलकुद

गृहपृष्ठ
खेलकुद
दक्षिण अफ्रिकालाई हराउँदै भारत बन्यो टी-२० विश्वकप च्याम्पियन

दक्षिण अफ्रिकालाई हराउँदै भारत बन्यो टी-२० विश्वकप च्याम्पियन

आइतबार, असार १६, २०८१ बागेश्वरी पोस्ट

काठमाडौं । टी–२० विश्वकप क्रिकेटको उपाधि भारतले जितेको छ । फाइनलमा विश्वकप क्रिकेटको अभागी टिम दक्षिण अफ्रिकालाई ७ रनले पराजित गर्दै भारतले उपाधि जितेको हो ।

समूह चरणमा दक्षिण अफ्रिकाले नेपालमाथि मात्र एक रनको जित हासिल गरेको थियो । त्यस्तै बंगलादेशलाई चार रनले हराएको थियो । भाग्यशाली हुँदै पहिलो पटक फाइनलमा पुगे पनि भारतमाथि भने दक्षिण अफ्रिकाले जित हासिल गर्न सकेन ।

फाइनलमा टस जितेर पहिले ब्याटिङ गरेको भारतले ७ विकेटको क्षतिमा १७६ रन बनायो ।

विराट कोहलीले ५९ बलमा ७६ रन बनाए । कोहलीसँग चौथो विकेटका लागि ७२ रनको साझेदारी गर्ने क्रममा अक्षर पटेलले ३१ बलमा ४७ रन बनाए ।

त्यस्तै पाँचौँ विकेटका लागि कोहलीसँग ५७ रनको साझेदारी गर्ने क्रममा शिवम दुबेले १६ बलमा २७ रन बनाए ।

केशव महाराज र एन्रिच नोट्जेले २–२ विकेट लिए ।

जवाफमा दक्षिण अफ्रिकाले ८ विकेटको क्षतिमा १६९ रन बनाउन सक्यो ।

दक्षिण अफ्रिकाका लागि हेन्रिच क्लासेनले २७ बलमा ५२ रन बनाए पनि टिमलाई जिताउन सकेनन् ।

भारतका लागि हार्दिक पाण्डेयाले ३ तथा अर्शदीप सिंह र जसप्रित बुमराहले २–२ विकेट लिए ।

भारतको यो टी–२० को दोस्रो विश्वकप उपाधि हो । यसअघि भारतले टी–२० विश्वकपको पहिलो संस्करण सन् २००७ मा जितेको थियो ।

प्रकाशित मिति: आइतबार, असार १६, २०८१ ०८:१५

प्रतिक्रिया दिनुहोस्

आम निर्वाचन-२०७९

आज मध्यरातदेखि उपनिर्वाचनको मौन अवधि बागेश्वरी पोस्ट

मन्त्री र उम्मेदवार छान्न कांग्रेसको केन्द्रीय कार्यसम्पादन समिति बैठक बस्दै बागेश्वरी पोस्ट

उप–चुनावमा भाग लिन दल दर्ताका लागि दिएको समय आज सकिँदै बागेश्वरी पोस्ट