नेपालगन्जको न्युरोडबाट प्रहरीले बरामद गर्यो साढे ३८ लाखको अवैध कपडा

समाचार

गृहपृष्ठ
समाचार
नेपालगन्जको न्युरोडबाट प्रहरीले बरामद गर्यो साढे ३८ लाखको अवैध कपडा

नेपालगन्जको न्युरोडबाट प्रहरीले बरामद गर्यो साढे ३८ लाखको अवैध कपडा

सोमबार, असार १७, २०८१ बागेश्वरी पोस्ट

नेपालगन्ज । जिल्ला प्रहरी कार्यालय बाँकेले भण्डारण गरिराखेको ठूलो परिमाणमा अवैध कपडा बरामद गरेको छ ।

प्रहरीको टोलीले आज नेपालगन्ज-२ न्यूरोडस्थित भानुभक्त चोकमा सोनी गुप्ताले भारतबाट अवैधअरुपमा भन्सार छली गरी ल्याई आफ्नै घरमा भण्डारण गरेर राखेको साढे ३८ लाख रुपैयाँ बढीको कपडा बरामद गरेको जिल्ला प्रहरी कार्यालय बाँकेले जनाएको छ ।

बाँके प्रहरीले ३४ लाख १९ हजार २ सय रुपैयाँ बराबरको ४२ सय ७४ पिस कुर्ता सुरुवाल, ४ लाख २० हजार मूल्यका ८४० पिस साडी गरी ३८ लाख ३९ हजार २ सय रुपैयाँ बराबरको कपडा बरामद गरेको जनाएको छ ।

जिल्ला प्रहरी बाँकेले बरामद गरेको सबै अवैध लत्ताकपडालाई आजै आबश्यक कारबाहीका लागि नेपालगन्ज भन्सार कार्यालय बुझाएको जानकारी दिएको छ ।

प्रकाशित मिति: सोमबार, असार १७, २०८१ १६:२१

प्रतिक्रिया दिनुहोस्