घोराहीको सेवार खोलामा आएको बाढीले ह्युमपाइप बगायो

समाचार

गृहपृष्ठ
समाचार
घोराहीको सेवार खोलामा आएको बाढीले ह्युमपाइप बगायो

घोराहीको सेवार खोलामा आएको बाढीले ह्युमपाइप बगायो

शनिबार, असार २२, २०८१ बागेश्वरी पोस्ट

फाइल फोटो

दाङ । अबिरल बर्षापछि तुलसीपुर-घोराही सडकखण्डमा पर्ने खहरे खोलाहरुमा आएको बाढीका कारण तुलसीपुर घोराही सडक खण्डमा यात्रा जोखिमपूर्ण बनेको छ ।

तुलसीपुर-घोराही सडकखण्डको घोराहीस्थित सेवार खोलामा निर्माणाधिन पुलको डाइभर्सनका लागि राखिएका ह्युमपाइपहरु बढीले बगाएको छ ।

बाढीले ह्यूमपाइप बगाएपछि बैकल्पिक मार्गमार्फत सवारी साधन संचालन गरिएका छन् । जिल्ला प्रहरी कार्यालय दाङका अनुसार भाइरल रोड हुँदै अधिकांश सवारी साधन संचालनमा आएका छन् । सेवार खोलामा पक्की पुल निर्माणको काम यही बर्षदेखि सुरु गरिएको थियो । हालसम्म पिलर ठड्याउने काम मात्रै भएको छ ।

त्यस्तै बर्षाका कारण तुलसीपुर-घोराही सडकखण्डको हापुर खोलामा आएको बाढीका कारण साना सवारी साधन संचालनमा रोक लगाइएको छ । मोटरसाइकल लगायत साना सवारी संचालनमा रोक लगाइएको इलाका प्रहरी कार्यालय तुलसीपुरले जनाएको छ ।

अविरल बर्षाका कारण दाङ जिल्लाका खोला तथा नदीहरुमा पानीको बहाब ह्वात्तै बढेको छ । राप्ती नदीको तटीय क्षेत्र र बबई नदी क्षेत्रका सर्वसाधारणलाई नदी किनारम नजान र सतर्क रहन आग्रह गरिएको छ ।

प्रकाशित मिति: शनिबार, असार २२, २०८१ १०:११

प्रतिक्रिया दिनुहोस्