कांग्रेस बाँकेको अपिल-'झरी निरन्तर छ, सतर्क भएर सुरक्षित बस्नुस्'

राजनीति

गृहपृष्ठ
राजनीति
कांग्रेस बाँकेको अपिल-'झरी निरन्तर छ, सतर्क भएर सुरक्षित बस्नुस्'

कांग्रेस बाँकेको अपिल-'झरी निरन्तर छ, सतर्क भएर सुरक्षित बस्नुस्'

आइतबार, असार २३, २०८१ बागेश्वरी पोस्ट

नेपालगञ्ज । नेपाली कांग्रेस बाँकेले निरन्तर झरी परिररहकाले उच्च सतर्कता अपनाउन सर्वसाधारणलाई आग्रह गरेको छ । सभापति नारायण प्रसाद गौडेलले आज एक प्रेस विज्ञप्ती निकालेर तीन दिनदेखि परिरहेको अबिरल बर्षाले जनजीवन नराम्ररी प्रभावित भएको उल्लेख गरेका छन् । उनले बाढी, पहिरो, डुबान र कटानको जोखिम बढेकाले यो विषम परिस्थितिमा सुरक्षित साथ बस्न आम नागरिकलाई अपिल गरेका छन् । अत्याबश्यक काम बाहेक बाहिर ननिस्कन, तत्काल लामो यात्रा नगर्न तथा जोखिमयुक्त काम नगर्न पनि आग्रह गरिएको छ ।

"बाँकेस्थित राप्ती नदी लगायत विभिन्न खोलानालामा पानीको बहाब उच्च रहेको विवरण सार्वजनिक भइरहेकाले नदी तटीय क्षेत्रका बासिन्दालाई उच्च सतर्कता अपनाउन सचेत गराउँदछौं," सभापति गौडेलद्वारा जारी विज्ञप्तीमा भनिएको छ, "नेपाली कांग्रेस बाँके हरपल नागरिकको साथमा रहेकाले कुनै अप्ठेरो, बाधा–ब्यवधान वा क्षती हुने अवस्था सिर्जना भएमा सम्पूर्ण पार्टी पंक्तिलाई खोज, उद्दार र राहतको काममा दत्तचित्त भएर लाग्न आह्वान गर्दछौं ।"

उनले जनताको जिउधनको सुरक्षाका लागि स्थानीय सरकारहरुको ध्यानाकर्षण पनि गराएका छन् । "यो क्षेत्रमा बाढी, डुबान र कटानका सम्भावित अप्रिय घटनाहरु हुन नदिन सबै सचेत बनौं । दुर्भाग्यबश त्यस्तो अवस्था सिर्जना भएमा सबै मिलेर मानवीय सेवामा हातेमालो गरौं," विज्ञप्तीमा भनिएको छ ।

May be an image of ticket stub and text