नरैनापुरमा डुबे दर्जनौं गाउँ, महेन्द्र माविको पर्खाल भत्कियो

समाचार

गृहपृष्ठ
समाचार
नरैनापुरमा डुबे दर्जनौं गाउँ, महेन्द्र माविको पर्खाल भत्कियो

नरैनापुरमा डुबे दर्जनौं गाउँ, महेन्द्र माविको पर्खाल भत्कियो

आइतबार, असार २३, २०८१ बागेश्वरी पोस्ट

नेपालगञ्ज । बाँकेको नरैनापुर गाउँपालिकाका दुई दर्जन बढी गाउँ डुबानमा परेका छन् । तीन दिनदेखि परेको अबिरल बर्षाका कारण पालिकाका ६ वटै वडाका दुई दर्जन बढी गाउँ डुबानमा परेका हुन् ।

वडा नम्बर १ का महतिनिया, बनियागाउँ, सुइया, वडा नम्बर २ का रोशनपुर्वा, गंगापुर, मियाँपुर्वा, लक्ष्मणपुर र वडा नम्बर ३ का बालापुर, कोटिया, पचपेडवा, जनतापुर, रेतहिया, गेगली, कोदिपुर्वा लगायतका गाउँ डुबानमा परेका छन् । यस्तै वडा नम्बर ४ का नरैनापुर, घोडदौरिया, जयरामपुर्वा, खोदावा, वडा नम्बर ५ का मटेहिया, नेवाजीगाउँ, भगवानपुर, मोतीपुर, महादेवनगर तथा वडा नम्बर ६ का नयाँ बस्ती, गंगापुर, भोजपुर, कुदरबेटवा, सोनबर्षा, दोदरा लगायतका गाउँ डुबानमा परेको विपद व्यवस्थापन शाखा नरैनापुरका प्रमुख लक्ष्मीकान्त मिश्रले बताए ।

May be an image of 2 people

निरन्तरको झरीका कारण महेन्द्र मावि मटेहियाको पर्खाल समेत ढलेको मिश्रले बताए । नरैनापुर पूरै जलमग्न भएको मिश्रको भनाई छ । बस्ती पानी पानी भएको मटेहियाका स्थानीय गुरुमुरत यादवले बताए । घरभित्रै पानी पस्न थालेको अवस्था रहेको यादवको भनाई छ । निरन्तर झरीका कारण डुबानको जोखिम बढेकाले सतर्क रहन गाउँपालिकाले आग्रह गरेको छ । अध्यक्ष इश्तियाक अहमद शाहले उच्च सतर्कता अपनाउन आग्रह गर्नुभएको हो । उनले उद्दारका लागि सुरक्षा संयन्त्र र स्थानीय विपद समिति तयारी अवस्थामा रहेको जानकारी दिए ।

May be an image of 1 person and body of water