नेपाल रेडक्रस सोसाइटी उपशाखा व्यवस्थापन गोष्ठी नेपालगञ्जमा सम्पन्न

समाचार

गृहपृष्ठ
समाचार
नेपाल रेडक्रस सोसाइटी उपशाखा व्यवस्थापन गोष्ठी नेपालगञ्जमा सम्पन्न

नेपाल रेडक्रस सोसाइटी उपशाखा व्यवस्थापन गोष्ठी नेपालगञ्जमा सम्पन्न

आइतबार, असार २३, २०८१ बागेश्वरी पोस्ट

नेपालगञ्ज । नेपाल रेडक्रस सोसाइटी बाँके शाखाको आयोजनामा उपशाखा व्यवस्थापन गोष्ठी आज नेपालगञ्जमा सम्पन्न भएको छ । उपशाखाहरुको क्षमता अभिबृद्धि गर्ने अभिप्रायले आयोजित उक्त गोष्ठीमा उपशाखाले पालना गनुपर्ने वैधानिक दायित्व, स्वयंसेवक परिचालन, द्रुत प्रारम्भिक लेखाजोखा, विस्तृत घरधुरी सर्वेक्षण, दृष्यत्माक एकरुपता लगायत खुला छलफल भएको थियो ।

नेपाल रेडक्रस सोसाइटी बाँके शाखाकी कार्यबहाक सभापति शान्ति श्रेष्ठले उपशाखा अभिन्न अंग भएको बताउँदै उपशाखाहरुको सहयोगले विपद् प्रतिकार्य गर्न सफल भइरहेको बताइन् । उनले बाढी विपद् प्रभावित परिवारलाई सहयोग गर्न तयारी अवस्था रहन अनुरोध समेत गरिन् ।

उपशाखाका प्रतिनिधिहरुले स्थानीय तहले बाढी विपद् प्रभावित परिवारलाई तत्काल सहयोग गर्नुपर्ने र विपद् लेखाजोखा मार्गदर्शन २०७२ अनुसार सर्वेक्षण कार्यमा स्थानीय तह, नेपाल प्रहरी र स्थानीय नेपाल रेडक्रस सोसाइटी उपशाखाको सहभागिता हुनुपर्नेमा जोड दिएका थिए ।

नेपाल रेडक्रस सोसाइटी संगठन तथा क्षमता विकास समितिका संयोजक तेजबहादुर सुवेदीको अध्यक्षतामा सम्पन्न कार्यक्रममा कार्यबहाक सभापति श्रेष्ठ, मन्त्री अजिज अहमद सिद्दिकी, कोषाध्यक्ष राकेश बहादुर श्रीवास्तव, विषयगत समितिका सदस्य, १७ उपशाखाका सभापति, सचिव र प्रतिनिधिहरुको सहभागिता रहेको थियो ।

गोष्ठीको सहजीकरण नेपाल रेडक्रस सोसाइटी बाँके शाखाका उपनिर्देशक दोलखबहादुर डाँगी, बरिष्ठ संगठन विकास अधिकृत निरञ्जना मल्ल र कार्यक्रम अधिकृत प्रहलाद विश्वकर्माले गरेका थिए ।

प्रकाशित मिति: आइतबार, असार २३, २०८१ १८:१७

प्रतिक्रिया दिनुहोस्