जानकीमा मानब बेचविखन विरुद्ध अभिमुखीकरण कार्यक्रम सम्पन्न

समाचार

गृहपृष्ठ
समाचार
जानकीमा मानब बेचविखन विरुद्ध अभिमुखीकरण कार्यक्रम सम्पन्न

जानकीमा मानब बेचविखन विरुद्ध अभिमुखीकरण कार्यक्रम सम्पन्न

आइतबार, असार २३, २०८१ बागेश्वरी पोस्ट

जानकी (बाँके) । जानकी गाउँपालिकामा पालिका स्तरीय मानव बेचविखन विरुद्धको समितिलाई मानब बेचविखन विरुद्धको एक दिने अभिमुखीकरण कार्यक्रम आज सम्पन्न गरिएको छ । आइएनएफ नेपाल बाँकेको आयोजना र जानकी गाँउपालिकाको समन्वयमा मानव बेचविखन विरुद्धको समितिलाई मानब बेचविखन विरुद्धको एक दिने अभिमुखीकरण कार्यक्रम आयोजना गरिएको थियो ।

कार्यक्रममा जानकी गाउँपालिकाका अध्यक्ष तथा समितिका संयोजक छब्बन खाँले मानव बेचविखन जस्तो कानूनी, सामाजिक र मानव अधिकार विरुद्धको जघन्य अपराध विरुद्ध पालिका सधैं लागिपरेको बताए । यस्ता घटना हुन नदिनको लागि स्थानीयलाई सजग बनाउन आइएनएफ नेपाल बाँकेद्वारा संचालित ‘मानव बेचविखन तथा लैङ्गिक हिंसा अन्त्यका लागि समुदायमा हाम्रो प्रयास' ले प्रभावकारी भूमिका खेलेको उनले बताए । साथै सबै निकाय मिलेर मात्र यस्तो जघन्य अपराधलाई न्यूनीकरण गर्न सकिने अध्यक्ष खाँले उल्लेख गरे ।

कार्यक्रममा सम्पूर्ण जानकी गाउँपालिकाको पालिका स्तरीय मानब बेचविखन विरुद्धको समिति र नेपालगञ्ज उपमहानगर पालिका वडा नम्बर ६, ९ र १३ का वडा स्तरीय मानब बेचविखन विरुद्धको समितिका सदस्यहरुको सहभागिता रहेको थियो । अभिमुखीकरण कार्यक्रममा अधिवक्ता विश्वजित तिवारीले सहजीकरण गरेका थिए । त्यसक्रममा अन्तर्राष्ट्रिय कानून तथा दस्तावेजमा उल्लेख भएका परिभाषा, मानब बेचविखन अपराध हुनका लागि आवश्यक तत्वहरु (कार्य, माध्यम र उद्देश्य), मानब बेचविखन तथा ओसारपसार नियन्त्रण ऐनमा उल्लिखित परिभाषा, आधारभूत मानव अधिकारको सन्दर्भ, अन्तर्राष्ट्रिय कानूनको पालना राज्यको दायित्व र मानव बेचविखन गम्भीर मानव अधिकारको हनन रहेको विषयमा छलफल गरिएको थियो ।

समापन कार्यक्रममा बोल्दै कार्यपालिका सदस्य तथा सामाजिक विकास संयोजक रामआचल धोवीले समाज विकासका लागि नागरिक सचेत हुन आवश्यक रहेको र यस्ता परियोजनाले काम गरिरहँदा स्थानीय नागरिकको चेतना स्तर बढ्ने विश्वास व्यक्त गरे । आइएनएफ नेपाल बाँकेकी सावी विश्वकर्माले कार्यक्रम सञ्चालन गरेकी थिइन् ।

प्रकाशित मिति: आइतबार, असार २३, २०८१ १९:१८

प्रतिक्रिया दिनुहोस्