बाघको आक्रमणबाट तीन जना घाइते

समाचार

गृहपृष्ठ
समाचार
बाघको आक्रमणबाट तीन जना घाइते

बाघको आक्रमणबाट तीन जना घाइते

सोमबार, असार २४, २०८१ बागेश्वरी पोस्ट

नेपालगन्ज । दाङको तुलसीपुर उपमहानगरपालिका वडा नम्बर ९ बेलुवामा बाघको आक्रमणमा तीन जना महिला घाइते भएका छन् ।

आज बिहान ६ बजे नव दुर्गा सामुदायिक वनमा च्याउ खोज्न गएका तुलसीपुर-९ बेलुवाका ४५ बर्षीया कमला केसी, ५२ बर्षीया सीताकुमारी भण्डारी र १८ बर्षीया सरिता भण्डारीलाई बाघले आक्रमण गरेको इलाका प्रहरी तुलसीपुरले जानकारी दिएको छ ।

प्रहरीका अनुसार बाघको आक्रमणबाट केसीको दुबै हात, सीताको ढाड र पेट र सरिताको दायाँ हातमा बाघको घाउ बनेका छन् ।

उनीहरु तीनै जनाको तुलसीपुरस्थित राप्ती प्रादेशिक अस्पतालमा उपचार भइरहेको छ भने घाइते सबैको अवस्था सामान्य रहेको इलाका प्रहरी तुलसीपुरले जनाएको छ ।

प्रकाशित मिति: सोमबार, असार २४, २०८१ १२:०७

प्रतिक्रिया दिनुहोस्