मनसुनजन्य विपदबाट ७४ जनाको ज्यान जाँदा ५ जना बेपत्ता

समाचार

गृहपृष्ठ
समाचार
मनसुनजन्य विपदबाट ७४ जनाको ज्यान जाँदा ५ जना बेपत्ता

मनसुनजन्य विपदबाट ७४ जनाको ज्यान जाँदा ५ जना बेपत्ता

सोमबार, असार २४, २०८१ बागेश्वरी पोस्ट

काठमाडौं । गृह मन्त्रालयले गत जेठ २८ गते यता विपदबाट ७४ जनाले ज्यान गुमाएको जनाएको छ । निरन्तर वर्षाका कारण देशभरमा ७४ जनाको ज्यान जाँदा ५ जना बेपत्ता भएको गृह मन्त्रालयले जानकारी दिएको छ ।

विपदबाट सबैभन्दा बढी गण्डकी प्रदेशमा २२ जनाले ज्यान गुमाएका छन् भने सबैभन्दा कम मधेस प्रदेशमा ३ जनाले ज्यान गुमाएको गृह मन्त्रालयले जनाएको छ । त्यसैगरी लुम्बिनी र कोशीमा १८-१८ जना, बागमतीमा ५, कर्णाली र सुदूूरपश्चिममा ४-४ जनाले ज्यान गुमाएका छन् ।

विपदबाट देशैभर ८ जना घाइते हुँदा ५३ जनाको सकुशल उद्धार गरिएको गृह मन्त्रालयले जनाएको छ । २ हजार २९६ घर-परिवार विस्थापित भएका छन् । यस अवधिमा गृह मन्त्रालयले १६१ घर डुबानमा पर्दा ९४ घर, ५३ गोठ, ४१ पुल, एक विद्यालय र २ सरकारी कार्यालय क्षति पुगेको बताएको छ । विपदबाट ३३५ चौपाया मरेका छन् ।

प्रकाशित मिति: सोमबार, असार २४, २०८१ १८:२८

प्रतिक्रिया दिनुहोस्