तुलसीपुर उपमहानगरपालिकाको एक जङ्गलमा मानव कंंकाल भेटियो

समाचार

गृहपृष्ठ
समाचार
तुलसीपुर उपमहानगरपालिकाको एक जङ्गलमा मानव कंंकाल भेटियो

तुलसीपुर उपमहानगरपालिकाको एक जङ्गलमा मानव कंंकाल भेटियो

शुक्रबार, फागुन १६, २०७६ बागेश्वरी पोस्ट

फाइल फोटो

दाङ । तुलसीपुर उपमहानगरपालिकामा मानबको कंकाल भेटिएको छ। तुलसीपुर वडा नं ३ असुरकोट डाँडोको भिरमा कंकाल फेला परेको ईलाका प्रहरी तुलसीपुरले जानकारी दिएको छ ।

स्थानिय फूलवारी सामुदायिक वनको भिरमा पुरुषको जस्तो देखिने हाडखोर फेला परेको छ। ईलाका प्रहरी कार्यालय तुलसीपुरका प्रबक्ता तथा प्रहरी निरिक्षक चक्रबहादुर डमरपालले कंकाल फेला परेको पुष्टि गरेका छन् ।

घटनास्थलमा पुरुषको जस्तो देखिने निलो ज्याकेट, सेतोमा कालो धर्का भएको सर्ट, खरानी रंगको पाइन्ट फेला परेको प्रबक्ता डमरपालले जानकारी दिए । प्रहरीले पहिचान हुन नसक्ने गरि शरिरका विभिन्न भागवाट हाडहड्डी छुट्टिएको अवस्थामा फेला परेका अस्थिपञ्चर संकलन गरेर तुलसीपुर ल्याएको छ ।

ती हाडखोरहरु राप्ती प्रादेशिक अस्पताल तुलसीपुरको शव गृहमा राखिएको छ । घटनावारे अनुसन्धान भइरहेको पनि प्रहरीले बताएको छ।

प्रकाशित मिति: शुक्रबार, फागुन १६, २०७६ ०८:२८

प्रतिक्रिया दिनुहोस्