लुम्बिनीका मुख्यमन्त्री र ८ मन्त्रीले लिए सपथ

राजनीति

गृहपृष्ठ
राजनीति
लुम्बिनीका मुख्यमन्त्री र ८ मन्त्रीले लिए सपथ

लुम्बिनीका मुख्यमन्त्री र ८ मन्त्रीले लिए सपथ

बुधबार, साउन ९, २०८१ बागेश्वरी पोस्ट

नेपालगन्ज । लुम्बिनीका मुख्यमन्त्री चेतनारायण आचार्यले प्रदेश प्रमुख अमिक शेरचनसमक्ष पद तथा गोपनीयताको शपथ ग्रहण गरेका छन् । एमाले र कांग्रेसको समर्थनमा एमाले संसदीय दलका उपनेता चेतनारायण आचार्य सोमबार मुख्यमन्त्रीमा नियुक्त भएका थिए । त्यस्तै एमालेका ४ र कांग्रेसका ४ सांसदले पनि बिना विभागीय मन्त्रीका रूपमा शपथ लिएका छन् । मन्त्रालय बाँडफाँड र मन्त्रीको टुंगो नलागेको भन्दै सबै मन्त्रीको एकैसाथ शपथ गराउने गरी मुख्मन्त्री आचार्यकै अनुरोधमा आजका लागि शपथ ग्रहण तय गरिएको हो ।

एमालेबाट रुपन्देहीका भूमिश्वर ढकाल, गुल्मीका दिनेश पन्थी, पाल्पाका खेम सारु र दाङका सीता शर्मा मन्त्री बनेका हुन् । यसैगरी नेपाली काँग्रेसबाट ४ मन्त्रीले शपथ लिएका छन् । बाँकेका बादसाह कुर्मी, गुल्मीका धनेन्द्र कार्की, प्युठानका रोज राणा र दाङका प्रचण्ड विक्रम न्यौपाने मन्त्री बनेका हुन् । काँग्रेसले प्रमुख सचेतक जन्मजय तिमिल्सिनाकाे नेतृत्वमा मन्त्री पठाउने भनिए पनि अन्तिममा उनको सपथ रोकिएको छ ।

प्रकाशित मिति: बुधबार, साउन ९, २०८१ १०:२८