५९औं रक्तसञ्चार सेवा दिवसमा स्वयंसेवी रक्तदातालाई सम्मान र आजीवन सदस्यता

समाचार

गृहपृष्ठ
समाचार
५९औं रक्तसञ्चार सेवा दिवसमा स्वयंसेवी रक्तदातालाई सम्मान र आजीवन सदस्यता

५९औं रक्तसञ्चार सेवा दिवसमा स्वयंसेवी रक्तदातालाई सम्मान र आजीवन सदस्यता

शुक्रबार, साउन ११, २०८१ बागेश्वरी पोस्ट

नेपालगञ्ज । नेपाल रेडक्रस सोसाइटी प्रादेशिक रक्तसञ्चार सेवाको आयोजनामा ५९औं रक्तसञ्चार सेवा दिवस नेपालगञ्जमा मनाइएको छ । दिवसमा अवसरमा स्वयंसेवी रक्तदातालाई सम्मान र आजीवन सदस्यता वितरण कार्यक्रम गरिएको छ । दिवसका अवसरमा 'पोजिटिभ' समूहका २५ पटक भन्दा बढी र दुलर्भ (नेगेटिभ) समूहका १५ पटक भन्दा बढी रक्तदान गर्ने ३९ जना स्वयंसेवी रक्तदाताहरुलाई सम्मान स्वरुप नेपाल रेडक्रस सोसाइटीको आजीवन सदस्यता प्रदान गरिएको छ । वि.सं. २०२३ सालमा रक्तसञ्चार सेवा स्थापना भएको थियो । नेपाल रेडक्रस सोसाइटी प्रादेशिक रक्तसञ्चार सेवा नेपालगञ्जबाट आर्थिक बर्ष २०७९/०८० मा १३ हजार ४ सय ९० पिन्ट रगत संकलन र १९ हजार ९ सय ९३ पिन्ट रगत वितरण भएको रक्तसञ्चार सेवाका प्रमुख उपेन्द्र रेग्मीले बताए ।

१०० पटक रक्तदान गर्ने शतक रक्तदाता पवन जैसवाललाई नेपाल रेडक्रस सोसाइटीका पूर्व केन्द्रीय उपाध्यक्ष अजित कुमार शर्मा, सनत कुमार रेग्मी र शाखा सभापति गोवद्र्धन सिंह सम्झनाले प्रशंसापत्र र दोसल्ला ओढाई सम्मान गरेका थिए भने ३९ जना स्वयंसेवी रक्तदाताहरुलाई आजीवन सदस्यताको प्रमाणपत्र वितरण गरिएको थियो । नेपाल रेडक्रस सोसाइटी बाँके शाखाका सभापति सम्झनाले रक्तसञ्चार सेवा रक्तदाताहरुबाट नै संचालन हुने भन्दै यस महान कार्यमा योग्दान गर्ने सबै स्वयंसेवी रक्तदाताहरुलाई धन्यवाद व्यक्त गरे । सम्मान ग्रहण गर्दै शतक रक्तदाता जैसवालले हरेक व्यक्तिले ३/३ महिनामा रक्तदान गरेमा स्वस्थ्य हुने र मानव जीवन रक्षा हुने बताउँदै युवाहरुलाई रक्तदान गर्न उत्प्रेरित गरिरहने प्रतिबद्धता व्यक्त गरे ।

नेपाल रेडक्रस सोसाइटी बाँके शाखाका सभापति सम्झनाको अध्यक्षतामा सम्पन्न कार्यक्रममा नेपाल रेडक्रस सोसाइटीका पूर्व केन्द्रीय उपाध्यक्ष शर्मा, नेपाल रक्तदाता समाज बाँकेकी अध्यक्ष दिला शाह, स्वयंसेवी रक्तदाता जैसवाल, नेपाल रेडक्रस सोसाइटी बाँके शाखााका उपनिर्देशक दोलखबहादुर डाँगी लगायतले विचार व्यक्त गरेका थिए भने आजीवन सदस्यता प्राप्त गर्ने व्यक्तिहरुलाई जिल्ला कार्यसमिति सदस्य सनतकुमार रेग्मी, मीनबहादुर मल्ल, गुलाब सिंह ठाकुर, सीता शर्मा पोख्रेल र खगेसरी भण्डारीले सदस्यता प्रदान गरेका थिए ।

प्रकाशित मिति: शुक्रबार, साउन ११, २०८१ २१:२६

प्रतिक्रिया दिनुहोस्