लुम्बिनीका मन्त्रीहरुले १० दिनपछि पाए मन्त्रालयको जिम्मेवारी

राजनीति

गृहपृष्ठ
राजनीति
लुम्बिनीका मन्त्रीहरुले १० दिनपछि पाए मन्त्रालयको जिम्मेवारी

लुम्बिनीका मन्त्रीहरुले १० दिनपछि पाए मन्त्रालयको जिम्मेवारी

शुक्रबार, साउन १८, २०८१ बागेश्वरी पोस्ट

दाङ । लुम्बिनी सरकारका बिना विभागीय मन्त्रीहरुले जिम्मेवारी पाएका छन् । लुम्बिनी सरकारमा बिना विभागीय मन्त्री रहेका नेपाली कांग्रेसबाट मन्त्री भएका बाँकेका बादशाह कुर्मीले वन तथा वातावरण मन्त्रालय, दाङका प्रचण्ड बिक्रम न्यौपानेले उद्योग पर्यटन तथा यातायात मन्त्रालयको जिम्मेवारी पाएका छन् ।

त्यस्तै कांग्रेसका धनेन्द्र कार्की (गुल्मी) ले आर्थिक मामिला तथा योजना मन्त्रालयको जिम्मेवारी पाएका हुन् भने कांग्रेसबाट प्युठानका सरोज थापाले सहरी विकास तथा खानेपानी मन्त्रालयको जिम्मेवारी पाएका छन् ।

त्यसैगरी नेकपा एमालेबाट बिना विभागीय मन्त्री रहेका रुपन्देहीका भुमिश्वर ढकालले भौतिक पूर्वाधार विकास मन्त्रालयको जिम्मेवारी पाएका छन् । कृषि तथा भूमि व्यवस्था मन्त्रालयको जिम्मेवारी गुल्मीका दिनेश पन्थीले पाएका छन् भने स्वास्थ्य मन्त्रालयको जिम्मेवारी पाल्पाका खेम सारुले र ऊर्जा जलश्रोत र सिँचाई मन्त्रालयको जिम्मेवारी दाङकी सीता शर्मा चौधरीले पाएकी छिन् ।

१० दिन अघि लुम्बिनी सरकारका मुख्यमन्त्री चेतनारायण आचार्यले कांग्रेससहित ९ जना मन्त्री नियुक्त गरेका थिए । जसमा कांग्रेसका ५ र एमालेका ४ मन्त्री नियुक्त भएका थिए । कांग्रेसले अझै एक जना मन्त्री पठाउन सकेको छैन ।

मुख्यमन्त्री आचार्यले बाँकी रहेका सामाजिक विकास मन्त्रालय, आन्तरिक मामिला तथा कानुन मन्त्रालय र महिला तथा बालबालिका तथा जेष्ठ नागरिक मन्त्रालयको जिम्मेवारी आफैंसँग राखेका छन् । कांग्रेसभित्र दुई खेमाबीचको बिबादले अझै कसलाई मन्त्री बनाउने भन्ने बारेमा टुंगो लाग्न सकेको छैन ।

452348465_795774776090686_4852163732085823662_n-1722591476.jpg