जन्मदिनमा जनस्वास्थ्य निरीक्षक बस्नेतद्वारा कुपोषित बालबालिकालाई खेलौना सहयोग

समाचार

गृहपृष्ठ
समाचार
जन्मदिनमा जनस्वास्थ्य निरीक्षक बस्नेतद्वारा कुपोषित बालबालिकालाई खेलौना सहयोग

जन्मदिनमा जनस्वास्थ्य निरीक्षक बस्नेतद्वारा कुपोषित बालबालिकालाई खेलौना सहयोग

शुक्रबार, फागुन १६, २०७६ बागेश्वरी पोस्ट

नेपालगन्ज । नेपालगन्ज उपमहानगरपालिकाका जनस्वास्थ निरीक्षकले आफ्नो जन्मदिनमा कुपोषित बालबालिकालाई खेलौना सहयोग गरेका छन् ।

आफ्नो ३४ औ जन्मदिनमा जनस्वास्थ निरीक्षक जागेश्वर बस्नेतले भेरी अस्पतालमा रहेको कुपोषण इकाईमा रहेका बालबालिकालाई खेलौना सहयोग गरेका हुन् । इकाईमा १७ बेड भएपनि अहिले जम्मा ४ जना बालबालिका मात्रै रहेकाले उनीहरुलाई बस्नेतले भेरी अस्पतालकि नर्सिङ प्रमुख दुर्गा लक्ष्मी श्रेष्ठको रोबहरमा खेलौना सहयोग गरेका हुन् ।

जन्मदिनमा चार जना मात्रै भएपनी बस्नेतले इकाईको सबै बेडमा आउने बालबालिकाका लागि पुग्ने खेलौना सहयोग गरेका छन्।जन्मदिनमा अरु तरिकाले खर्च गर्नुभन्दा सामाजिक सेवा गर्दा आफुलाई खुशी मिल्ने भएकोले बालबालिकालाई सहयोग गरेको बस्नेतले बताए।

बस्नेतले अब आउने जन्मदिन अथवा अरु केही नै होस यसरी नै समाजसेवा गर्ने बताए।वडा नम्वर ४ निवासी बस्नेत सामाजिक कार्य गर्न बढी रुचाउने गर्दछन। सहयोग कार्यक्रममा पोषण पुनर्स्थापना गृहका फिल्ड सुपर्भाइजर दामोदर खनाल सहित इकाईका अन्य स्वास्थकर्मी लगायत बस्नेत परिवाको समेत उपस्थिति रहेको थियो।

प्रकाशित मिति: शुक्रबार, फागुन १६, २०७६ २०:१७

प्रतिक्रिया दिनुहोस्