कांग्रेसमा तोकिए ३७ विभाग प्रमुख

राजनीति

गृहपृष्ठ
राजनीति
कांग्रेसमा तोकिए ३७ विभाग प्रमुख

कांग्रेसमा तोकिए ३७ विभाग प्रमुख

सोमबार, साउन २१, २०८१ बागेश्वरी पोस्ट

नेपालगञ्ज । नेपाली कांग्रेसका सभापति शेरबहादुर देउवाले पार्टीका ३७ वटा विभागको प्रमुख तोकेका छन् । सभापति देउवाले आज कांग्रेसको विधान, २०१७ (संशोधन सहित) को धारा ३७ (१) (ग) बमोजिम कांग्रेस केन्द्रीय कार्यसमितिका सदस्यहरूलाई केन्द्रीय विभागहरूको प्रमुखमा मनोनयन गरेका हुन् ।

जसमध्ये राज्य प्रशासन विभागको प्रमुखमा गोविन्द भट्टराई, स्थानीय तह समन्वय विभाग प्रमुखमा मधु आचार्य, अभिलेख, अनुगमन तथा मूल्याङ्कन विभागको प्रमुखमा मानबहादुर विश्वकर्मा मनोनित भएका छन् । त्यसैगरी संघीय मामिला समन्वय विभाग चन्द्रबहादुर केसी, संसदीय मामिला विभाग गोविन्दबहादुर शाह, कानुन विभाग मानबहादुर नेपाली, विद्यार्थी विभाग राजीव ढुंगाना, पेशागत तथा बुद्धिजीवी विभागमा डा. डिला संग्रौला, शिक्षा विभाग नैनसिंह महर, स्वास्थ्य विभाग डा. चन्द्रमोहन यादव, निर्माण व्यवसाय समन्वय विभाग मदनबहादुर अमात्य, सार्वजनिक यातायात र यातायात व्यवसायी समन्वय विभागमा शिवप्रसाद हुमागाँइ मनोनित भएका छन् ।

त्यसैगरी कृषि तथा किसान विभागको प्रमुखमा उमेश श्रेष्ठ, खेलकुद विभाग उमेशजंग रायमाझी, प्राकृतिक स्रोत विभाग तारामान गुरुङ, साहित्य, कला तथा संस्कृति विभाग विद्यादेवी तिमिल्सिना, दलित समुदाय समन्वय र सशक्तिकरण विभाग लक्ष्मी परियार, द्वन्द व्यवस्थापन तथा मेलमिलाप विभाग कृष्णकिशोर घिमिरे, मुस्लिम विभाग मैकुलाल वाल्मिकी, वित्तिय संस्था समन्वय विभाग कर्णबहादुर बुढा, विज्ञान तथा सूचना प्रविधि विभाग सुशीला मिश्र भट्ट, भूपू सैनिक विभाग महेन्द्र कुमारी लिम्बू, आर्थिक नीति तथा योजना विभाग प्रा.डा. गोविन्दराज पोखरेल, शुभेच्छुक संस्था समन्वय विभागमा अब्दुल सत्तार मनोनित भएका छन् ।

यस्तै श्रमिक तथा ट्रेड युनियन विभागमा हरिशरण नेपाली, भूमि व्यवस्था तथा भूमिहीन, अव्यवस्थित बसोबास समन्वय विभाग नृपबहादुर वड, मानव अधिकार विभाग धना खतिवडा, वातावरण तथा जलवायु परिवर्तन सरोकार विभाग कल्याण कुमार गुरुङ, ऊर्जा तथा जलस्रोत विभाग अनिल कुमार रुंगटा, बालबालिका तथा किशोर–किशोरी समन्वय विभाग डा. जीवन राना,नागरिक सम्बन्ध तथा समस्या सम्बोधन समन्वय विभाग लक्ष्मी खतिवडा, व्यवसायिक सिप विकास विभाग गंगालक्ष्मी अवाल, विपन्न उत्थान समन्वय विभाग डा. गोपाल दहित, सामाजिक संघसंस्था समन्वय विभाग अर्जुनप्रसाद जोशी, पुस्तकालय तथा पार्टी अध्ययन–स्रोत केन्द्र विभाग अजयवावु शिवाकोटी, धर्म–संस्कृति समन्वय विभाग ध्यानगोविन्द रञ्जित र पूर्व आप्रवासी समन्वय विभागको प्रमुखमा दिनेश कोइराला मनोनित गरेका हुन् ।

May be an image of ticket stub and text May be an image of blueprint, ticket stub and text