प्रेस युनियन बाँकेले साधारणसभा, तीज बिशेष लगायत कार्यक्रम गर्ने

समाचार

गृहपृष्ठ
समाचार
प्रेस युनियन बाँकेले साधारणसभा, तीज बिशेष लगायत कार्यक्रम गर्ने

प्रेस युनियन बाँकेले साधारणसभा, तीज बिशेष लगायत कार्यक्रम गर्ने

शनिबार, साउन २६, २०८१ बागेश्वरी पोस्ट

नेपालगञ्ज । नेपाल प्रेस युनियन बाँकेको आज बसेको कार्यसमिति बैठकले विभिन्न निर्णयहरु गरेको छ । युनियन बाँकेका अध्यक्ष प्रियास्मृति ढकालको अध्यक्षतामा युनियनको कार्यालयमा बसेको कार्यसमितिको बैठकले साधारणसभा लगायतका कार्यक्रम गर्ने निर्णय गरेको हो ।

युनियनले गरेको निर्णय अनुसार यही भदौ १५ गते युनियन बाँकेको वार्षिक साधारणसभा गर्ने निर्णय भएको छ । सो साधारणसभाको तयारी र व्यवस्थापनका लागि अध्यक्ष ढकालको संयोजकत्वमा सदस्यहरुमा सचिव भीष्म लोध, कोषाध्यक्ष खडक खत्री र सदस्य सलामत अलि शेख सहितको चार सदस्यीय समिति गठन गरिएको हो ।

यस्तै सोही दिन तीज महोत्सव कार्यक्रम गर्ने निर्णय गरिएको छ । महोत्सवको तयारी र व्यवस्थापनका लागि महिला उपाध्यक्ष निशा शाहको संयोजकत्वमा सदस्यहरु लक्ष्मी गौडेल, सावित्री बिश्वकर्मा, आरती कट्टेल र सुविता थारुसहित पाँच सदस्यीय समिति गठन गरेको छ ।

यसैगरी हरितालिका तीजलाई लक्षित गरि यो वर्ष पनि लेखनवृत्ति प्रतियोगिता र प्रेस युनियन बुलेटिनलाई निरन्तरता दिने निर्णय गरेको छ । त्यसको तयारी र व्यवस्थापनका लागि उपाध्यक्ष कमल खत्रीको संयोजकत्वमा सदस्यहरु बिक्रम बुढा, रामप्रसाद आचार्य र अभिषेक गुप्तासहित चार सदस्यीय समिति गठन गरिएको छ ।

साथै युनियनको साधरण सदस्य नवीकरण खुला गर्ने निर्णय समेत गरिएको छ । निर्णय अनुसार २०८१ साउन २७ गतेदेखि २०८१ भदौ १० गतेसम्म सदस्यता नवीकरणका लागि युनियन बाँकेले सम्पूर्ण सदस्यहरुलाई अनुरोध गरेको छ ।

प्रकाशित मिति: शनिबार, साउन २६, २०८१ १८:५७