नेपालगञ्जमा बसले स्कुटरलाई ठक्कर दिँदा दुई जना घाइते

समाचार

गृहपृष्ठ
समाचार
नेपालगञ्जमा बसले स्कुटरलाई ठक्कर दिँदा दुई जना घाइते

नेपालगञ्जमा बसले स्कुटरलाई ठक्कर दिँदा दुई जना घाइते

बुधबार, साउन ३०, २०८१ बागेश्वरी पोस्ट

नेपालगञ्ज । नेपालगञ्जको पुष्पलाल चोकमा बसले स्कुटरलाई ठक्कर दिँदा दुई जना घाइते भएका छन् । दुर्घटनाका एक घाइतेको अवस्था गम्भीर रहेको प्रहरीले जनाएको छ ।

आज बिहान नेपालगञ्ज पुष्पलाल चोकमा कारकाँँदोतर्फ जाँदै गरेको सु.प.प्र.०१० प ९८५६ नम्बरको स्कुटरलाई सोही दिशातर्फ जाँदै गरेको बा.प्र.०१००६ ख ४५९६ नम्बरको बसले ठक्कर दिँदा स्कुटर चालक नेपालगञ्ज कोरियनपुरका १७ वर्षीय अफ्जल हास्मी सुवेदी र स्कुटरको पछाडि सवार सोही स्थानकै १८ वर्षीय दमन बिक घाइते भएको जिल्ला प्रहरी बाँकेले जनाएको छ ।

प्रहरीका अनुसार बिकको अवस्था गम्भीर रहेको छ भने उनको नेपालगञ्ज मेडिकल कलेजमा उपचार भइरहेको छ । उनको टाउकोमा चोट लागेको छ । उनको आइसियुमा उपचार भइरहेको प्रहरीले जनाएको छ । जिल्ला प्रहरी बाँकेले ठक्कर दिने बस र चालकलाई नियन्त्रणमा लिएर थप अनुसन्धान सुरु गरेको जनाएको छ ।

प्रकाशित मिति: बुधबार, साउन ३०, २०८१ १०:३६

प्रतिक्रिया दिनुहोस्