जिप दुर्घटना हुँदा तीन जनाको मृत्यु, ११ जना घाइते

समाचार

गृहपृष्ठ
समाचार
जिप दुर्घटना हुँदा तीन जनाको मृत्यु, ११ जना घाइते

जिप दुर्घटना हुँदा तीन जनाको मृत्यु, ११ जना घाइते

बिहीबार, साउन ३१, २०८१ बागेश्वरी पोस्ट

नेपालगञ्ज । सिन्धुलीमा जिप दुर्घटना हुँदा तीन जनाको मृत्यु भएको छ । ११ जना घाइते भएका छन् ।

मृत्यु हुनेहरुमा सिन्धुलीकै गोलञ्जोर गाउँपालिका–६ नाकाजोलीका ४२ वर्षीय पृथ्वी भुजेल, सोही ठाउँका ४५ वर्षका उदयबहादुर मस्राङ्गी र ३५ वर्षका पवन मस्राङ्गीको मृत्यु भएको जिल्ला प्रहरी कार्यालय सिन्धुलीका प्रहरी निरीक्षक केशवबहादुर कटवालले जानकारी दिए ।

उनीहरुको उपचारको क्रममा बिहान साढे १० बजे जिल्ला अस्पताल सिन्धुलीमा मृत्यु भएको हो । आज बिहान सवा ९ बजेतिर कमलामाई नगरपालिका–२ चियाबारी नजिक बीपी राजमार्गमा गोलञ्जोरबाट सिन्धुलीतर्फ जाँदै गरेको बा २० च ८२८३ नम्बरको जिप आफैं अनियन्त्रित भई दुर्घटनामा परेको थियो ।

प्रकाशित मिति: बिहीबार, साउन ३१, २०८१ १४:१७

प्रतिक्रिया दिनुहोस्