मोटरसाइकल दुर्घटनामा युवकको मृत्यु

समाचार

गृहपृष्ठ
समाचार
मोटरसाइकल दुर्घटनामा युवकको मृत्यु

मोटरसाइकल दुर्घटनामा युवकको मृत्यु

शनिबार, भदौ १, २०८१ बागेश्वरी पोस्ट

नेपालगञ्ज । दाङको दंगीशरण गाउँपालिकामा एक युवकको दुर्घटनामा परेर मृत्यु भएको छ । गएराति तुलसीपुर बजारबाट घरतर्फ जाँदै गरेका दंगीशरण ५ का २५ बर्षीय सम्राट गिरीले चलाएको मोटरसाइकल बाटोमा रोकिराखेको ट्रयाक्टरको पछाडिको भागमा ठोक्किएको थियो ।

राति १० बजेतिर तुलसीपुर बजारदेखि पश्चिमतर्फ जाँदै गरेका गिरी सवार लु.प्र.०२–००१ प ०९४६ नम्बरको मोटरसाइकल दंगीशरण ५ डाँडाचिसमा रोकिराखेको रा १ त १४२२ नम्बरको ट्याक्टरमा पछाडिबाट ठोक्किएपछि गम्भीर घाइते भएको प्रहरीले जानकारी दिएको छ । गम्भीर घाइते भएका गिरीलाई उपचारका लागि तुलसीपुरस्थित राप्ती प्रादेशिक अस्पताल लगिएको थियो । उपचारका क्रममा राति करिब १२ बजेतिर चिकित्सकले उनलाई मृत घोषणा गरेको इलाका प्रहरी कार्यालय तुलसीपुरले जनाएको छ ।

प्रहरीले बबई गाउँपालिका-७ का २९ बर्षीय ट्रयाक्टर चालक इन्द्रबहादुर डाँगीलाई नियन्त्रणमा लिएर घटनाबारे थप अनुसन्धान सुरु गरेको जनाएको छ ।

प्रकाशित मिति: शनिबार, भदौ १, २०८१ १०:५४

प्रतिक्रिया दिनुहोस्