मनसुनी विपदबाट १ सय ९० जनाको मृत्यु

समाचार

गृहपृष्ठ
समाचार
मनसुनी विपदबाट १ सय ९० जनाको मृत्यु

मनसुनी विपदबाट १ सय ९० जनाको मृत्यु

सोमबार, भदौ ३, २०८१ बागेश्वरी पोस्ट

काठमाडौँ । देशभरमा भएको भारी वर्षाका कारण आएको बाढी, पहिरो डुवान लगायत मनसुनी विपदबाट आज दिउँसोसम्म १ सय ९० जनाको मृत्यु भएको छ । पछिल्लो २४ घण्टामा मात्रै ८ जनाले ज्यान गुमाएसँगै गत जेठ २८ गतेदेखि देशका विभिन्न स्थानमा आएको बाढी, पहिरो लगायत विपदमा आजसम्म १ सय ९० जनाको मृत्यु भएको नेपाल प्रहरीका केन्द्रीय प्रवक्ता एवं प्रहरी नायब महानिरीक्षक दानबहादुर कार्कीले जानकारी दिए ।

प्राप्त विवरण अनुसार काठमाडौँ उपत्यकामा तीन, कोशी प्रदेशमा २७, मधेस प्रदेशमा आठ, बागमती प्रदेशमा ३२, गण्डकी प्रदेशमा ५६, लुम्बिनी प्रदेशमा ३६, कर्णाली प्रदेशमा १३ र सुदूरपश्चिम प्रदेशमा १५ जनाको ज्यान गएको छ । प्रवक्ता कार्कीका अनुसार काठमाडौँ उपत्यकामा ११, कोशी प्रदेशमा ३८, मधेश प्रदेशमा १२, बागमती प्रदेशमा २३, गण्डकी प्रदेशमा ४५, लुम्बिनी प्रदेशमा १८, कर्णाली प्रदेशमा ५७ र सुदूरपश्चिम प्रदेशमा ३४ जना गरी दुई सय ३८ जना विभिन्न विपदमा परी घाइते भएका छन् ।

सोही अवधिमा १ सय १४ जनाको उद्धार गरिएको छ । बाढी पहिरोमा परी कोशी प्रदेशमा दुई, मधेस प्रदेशमा एक, बागमती प्रदेशमा ४१, गण्डकी प्रदेशमा दुई, लुम्बिनी प्रदेशमा एक, कर्णाली प्रदेशमा एक र सुदूरपश्चिम प्रदेशमा एक गरी ४९ जना बेपत्ता रहेका प्रहरीले जनाएको छ । बाढीका कारण आजसम्म ३ सय ८४ घर डुबानमा परेका, ३ सय २७ घर, १ सय १२ गोठ, ५१ पुल, ४ विद्यालय र २ सरकारी कार्यालयमा क्षति भएको छ । यस्तै ४ हजार ८ सय १९ परिवार विपद्का घटनाबाट विस्थापित भएका प्रहरीले आज सार्वजनिक गरेको विवरणमा उल्लेख रहेको छ ।

प्रकाशित मिति: सोमबार, भदौ ३, २०८१ २०:३३

प्रतिक्रिया दिनुहोस्