धारिलो हतियार प्रहार घटनाप्रति कांग्रेस बाँकेको भत्सर्ना, दोषीमाथि कडा कारबाहीको माग

राजनीति

गृहपृष्ठ
राजनीति
धारिलो हतियार प्रहार घटनाप्रति कांग्रेस बाँकेको भत्सर्ना, दोषीमाथि कडा कारबाहीको माग

धारिलो हतियार प्रहार घटनाप्रति कांग्रेस बाँकेको भत्सर्ना, दोषीमाथि कडा कारबाहीको माग

मंगलबार, भदौ ४, २०८१ बागेश्वरी पोस्ट

नेपालगञ्ज । नेपाली कांग्रेस बाँकेले राप्तीसोनारीको विनौनामा गत शनिबार दुई युवामाथि धारिलो हतियार प्रहार भएको घटनाप्रति गम्भीर ध्यानाकर्षण भएको जनाएको छ । सभापति नारायण प्रसाद गौडेलले आज एक प्रेस विज्ञप्ती जारी गरेर घटनाको भत्सर्ना गरेका हुन् । ज्यान मार्ने उद्देश्यले भएको सांघातिक हमलाले समाज आक्रान्त भएको उल्लेख गर्दै उनले सुरक्षा निकायले समयमै अपराधीलाई कानुनी दायरामा नल्याएका कारण यस किसिमका घटना बढ्दै गएको कांग्रेसको निष्कर्ष छ ।

May be an image of text

कांग्रेसले घाइतेहरुको शीघ्र स्वास्थ्य लाभको कामना गर्दै घटनामा संलग्न जोसुकै भएपनि कडा भन्दा कडा कारबाहीको माग गरेको छ । जनतालाई शान्तिसुरक्षाको प्रत्याभूति दिलाउन र यस्ता घटना हुन नदिन प्रहरी प्रशासनको ध्यानाकर्षण गराइएको छ । भदौ १ गते शनिबार राप्तीसोनारी ५ विनौना चोकमा धारिलो हतियार प्रहार हुँदा स्थानीय युवा सन्दिप विष्ट र बैजनाथका सुलभ मल्ल गम्भीर घाइते भएका थिए । उनीहरुको लखनउमा उपचार चलिरहेको छ ।

घटनामा संलग्न रहेको आरोपमा एमाले निकट युवा संघ नेपाल बाँकेका अध्यक्ष समेत रहेका राप्तीसोनारी–२ का वडा अध्यक्ष ‘ज्ञानु’ भनिने ज्ञानेन्द्रराज ओलीसहित ४ जनालाई प्रहरीले त्यसै दिन राती नियन्त्रणमा लिइसकेको छ । केही फरार छन् ।

प्रकाशित मिति: मंगलबार, भदौ ४, २०८१ १८:३७