त्रिवि पदाधिकारी र प्राध्यापकहरूको सुरक्षा दिन गृहमन्त्रीलाई शिक्षा मन्त्रीको आग्रह

राजनीति

गृहपृष्ठ
राजनीति
त्रिवि पदाधिकारी र प्राध्यापकहरूको सुरक्षा दिन गृहमन्त्रीलाई शिक्षा मन्त्रीको आग्रह

त्रिवि पदाधिकारी र प्राध्यापकहरूको सुरक्षा दिन गृहमन्त्रीलाई शिक्षा मन्त्रीको आग्रह

बुधबार, भदौ ५, २०८१ बागेश्वरी पोस्ट

नेपालगन्ज । शिक्षा मन्त्री विद्या भट्टराईले त्रिभुवन विश्वविद्यालयका पदाधिकारी र प्राध्यापकहरूको सुरक्षा माग गरेकी छिन् ।

केही दिन यतादेखि त्रिभुवन विश्वविद्यालयका पदाधिकारीहरूमाथि हमला गर्न खोज्ने र प्राध्यापकहरूलाई फोन गरेर धम्क्याउने कार्य भइरहेको भन्दै उनले गृहमन्त्रीसँग सार्वजनिक रूपमा सुरक्षा माग गरेकी हुन् ।

सामाजिक सञ्जाल एक्स मार्फत् मन्त्री भट्टराईले उनीहरूको सुरक्षा प्रबन्ध गर्न माग गरेकी छन् ।

‘त्रिभुवन विश्वविद्यालयमा केही दिनदेखि पदाधिकारीहरूमाथि हमला गर्न खोज्नु र प्राध्यापकहरूलाई फोन गर्दै धम्की दिने गरेको कारण सिङ्गो विश्वविद्यालय असुरक्षित बनेको छ । त्रिभुवन विश्वविद्यालयमा सुरक्षाका लागि व्यवस्थित प्रबन्ध गर्न म गृहमन्त्रीसँग जोडदार माग गर्दछु,’ उनले लेखेकी छन् ।

भट्टराईले आफूले सार्वजनिक अपिल गर्नुपर्ने भएर नै यसो गरेको स्पष्ट पर्दै भनेकी छन्, ‘सार्वजनिक अपिल गर्नुपर्ने भएर नै गरेको हो, कुनै आवेगमा आएर लेखेको होइन ।’

प्रकाशित मिति: बुधबार, भदौ ५, २०८१ ११:४७