तनहुँ आँबुखैरेनी बस दुर्घटनाः मृतकको संख्या २७ पुग्यो

समाचार

गृहपृष्ठ
समाचार
तनहुँ आँबुखैरेनी बस दुर्घटनाः मृतकको संख्या २७ पुग्यो

तनहुँ आँबुखैरेनी बस दुर्घटनाः मृतकको संख्या २७ पुग्यो

शुक्रबार, भदौ ७, २०८१ बागेश्वरी पोस्ट

नेपालगञ्ज । तनहुँको आँबुखैरेनीस्थित ऐनापहिरामा भएको बस दुर्घटनामा परेर २७ जनाको मृत्यु भएको छ । प्रहरीका अनुसार बसमा सवार ४३ मध्ये १६ जनाको उपचार भइरहेको तनहुँका प्रहरी प्रमुख विरेन्द्र शाहीले बताए । उद्दारको काम सकिएको उनले जानकारी दिए । घाइतेहरू मध्ये अधिकांशको त्रिवि शिक्षण अस्पताल काठमाडौँमा उपचार भइरहेको छ ।

वेलहिया नाकाबाट ८ दिनको रुट परमिट लिएर पोखराबाट काठमाडौँतर्फ जाँदै गरेको युपी ५३ एफटी ७६२३ नम्बरको भारतीय यात्रुवाहक बस दुर्घटनामा परेको हो । दुर्घटनामा मृत्यु हुनेको सङ्ख्या २७ जना पुगेको तनहुँका प्रमुख जिल्ला अधिकारी गौतमले जानकारी दिए । २६ जनाको आँबुखैरेनी अस्पतालमा मृत्यु भएको हो भने एक जनाको चितवनस्थित अस्पतालमा मृत्यु भएको गौतमले बताए ।

आँबुखैरेनी अस्पतालमा १५ महिला र ११ पुरुषको मृत्यु भएको हो भने चितवनमा एक बालकको मृत्यु भएको हो । बसमा चालक र सह चालकसहित ४३ जना सवार रहेको खुलेको जिल्ला प्रहरी कार्यालय तनहुँले जनाएको छ ।

प्रकाशित मिति: शुक्रबार, भदौ ७, २०८१ २०:५६

प्रतिक्रिया दिनुहोस्