वन मन्त्री बादशाहको ऐतिहासिक निर्णय, एउटै कार्यालयमा दुई वर्ष बसेका अधिकृतको सरुवा

राजनीति

गृहपृष्ठ
राजनीति
वन मन्त्री बादशाहको ऐतिहासिक निर्णय, एउटै कार्यालयमा दुई वर्ष बसेका अधिकृतको सरुवा

वन मन्त्री बादशाहको ऐतिहासिक निर्णय, एउटै कार्यालयमा दुई वर्ष बसेका अधिकृतको सरुवा

शनिबार, भदौ ८, २०८१ बागेश्वरी पोस्ट

नेपालगञ्ज । लुम्बिनी प्रदेश सरकार वन तथा वातावरण मन्त्रालयले १ सय २४ जना कर्मचारीको सरुवा एकैपटक गरेको छ । लुम्बिनी प्रदेश सरकारको नीति अनुसार वन तथा वातावरण मन्त्री बादशाह कुर्मीले अधिकृतस्तर आठौंसम्मका कर्मचारीको सरुवा गरेका हुन् । वन तथा वातावरण मन्त्री कुर्मीले गरेको निर्णय प्रदेशको सरकारको नीति अनुसार हालसम्मकै ऐतिहासिक निर्णय हो ।

दुई वर्ष अवधि पुगेका कर्मचारीलाई सरुवा गर्ने नीति प्रदेश सरकारको रहेको छ । तर, त्यसको कार्यान्वयन कुनै पनि मन्त्रालयले गरेका थिएनन् । प्रदेश सरकारले हरेक वर्ष भदौ ७ गतेसम्म कर्मचारी सरुवा गर्नुपर्ने नीति बनाएको छ । त्यही नीतिलाई पालना गर्दै मन्त्री कुर्मीले एउटै कार्यालयमा दुई वर्ष भन्दा धेरै कार्यरत कर्मचारीहरुको सरुवा गरेका हुन् । मन्त्रालयले सार्बजानिक गरेको सरुवा लिष्टमा दुई बर्ष भन्दा बढी कार्यरत सबै अधिकृत र रेन्जरहरुको सरुवा भएको छ ।

लामो समयसम्म एकै जिल्लामा बसेर काम गरिरहेका धेरै अधिकृतहरु सरुवामा परेका छन् । वन तथा वातावरण मन्त्रालयको जिम्मेवारी सम्हालेका मन्त्री कुर्मीले नीतिगतरुपमै निर्णय गरिएको बताए ।

प्रकाशित मिति: शनिबार, भदौ ८, २०८१ १२:०१

प्रतिक्रिया दिनुहोस्