गनापुर बस दुर्घटना: मृतकको संख्या तीन पुग्यो

समाचार

गृहपृष्ठ
समाचार
गनापुर बस दुर्घटना: मृतकको संख्या तीन पुग्यो

गनापुर बस दुर्घटना: मृतकको संख्या तीन पुग्यो

बिहीबार, भदौ १३, २०८१ बागेश्वरी पोस्ट

नेपालगन्ज । बाँकेको गनापुरमा भएको बस दुर्घटनामा मृत्यु हुनेको संख्या तीन पुगेको छ । गम्भीर घाइते भएका थप एक जनाको मृत्यु भएको छ । दाङ घोराहीका ३० वर्षिय बिमल राईको उपचारका क्रममा मृत्यु भएको जिल्ला प्रहरी कार्यालय बाँकेका प्रवक्ता एवम् प्रहरी नायव उपरीक्षक नारायण डाँगीले बताए ।

गम्भीर घाइते भएका राईको नेपालगन्ज मेडिकल कलेज शिक्षण अस्पताल कोहलपुरमा उपचारका क्रममा मृत्यु भएको हो । यसअघि दाङ तुलसीपुरका ६० वर्षीय मानबहादुर ओली र तुलसीपुरकै २४ वर्षीय सन्तोष भुषालको भेरी अस्पतालमा उपचारका क्रममा मृत्यु भएको थियो ।

दाङको तुलसीपुरबाट नेपालगन्ज आउँदै गरेको भे १ ख २१२८ नम्बरको यात्रुबाहक बस आज विहान सवा ११ बजेतिर नेपालगन्ज-कोहलपुर सडकखण्डको गनापुरमा दुर्घटनामा परेको थियो । घाइते २६ जनाको नेपालगन्ज र कोहलपुरमा उपचार भइरहेको प्रहरीले जनाएको छ । चालक प्रहरीको नियन्त्रणमा छन् । चालकले प्रहरी समक्ष गाडेको पट्टा भाँचिएर दुर्घटना भएको बयान दिएका छन् ।

प्रकाशित मिति: बिहीबार, भदौ १३, २०८१ १९:१९

प्रतिक्रिया दिनुहोस्