फौजदारी कानुनलाई संशोधन गर्न आवश्यक गृहकार्य भइरहेको छः महान्याधिबक्ता बडाल

समाचार

गृहपृष्ठ
समाचार
फौजदारी कानुनलाई संशोधन गर्न आवश्यक गृहकार्य भइरहेको छः महान्याधिबक्ता बडाल

फौजदारी कानुनलाई संशोधन गर्न आवश्यक गृहकार्य भइरहेको छः महान्याधिबक्ता बडाल

मंगलबार, भदौ १८, २०८१ बागेश्वरी पोस्ट

नेपालगञ्ज । नेपाल सरकारका महान्यायाधिवक्ता रमेश बडालले फौजदारी कानुनलाई समयसापेक्ष संशोधन गर्न आवश्यक गृहकार्य भइरहेको बताएका छन् ।

नेपालगञ्जमा आज उच्च र जिल्ला बारले संयुक्तरूपमा आयोजना गरेको स्वागत कार्यक्रमलाई सम्बोधन गर्दै महान्यायाधिवक्ता बडालले फौजदारी कानुन कार्यान्वयनमा देखिएका जटिलतालाई हल गर्ने गरी गृहकार्य भइरहेको बताए । अनुसन्धान, अभियोजन सम्बन्धमा देखिएका जटिलताहरुलाई सहज बनाउँदै उनले कानुनमा देखिएका अड्चनहरुलाई संशोधन गर्ने गृहकार्य समेत भइरहेको उल्लेख गरे ।

उनले कानुन व्यवसायीलाई अनलाइन कानुनी साक्षरता कक्षा प्रदान गरिरहेको बताए । "नवोदित कानुन व्यवसायीहरुलाई विभिन्न कानुन सम्बन्धि साक्षात्कार गर्ने उद्देश्यले नेपाल बार काउन्सिलले हाल काठमाडौंमा अनलाइन तालिम प्रदान गर्दै आएको छ," बडालले भने-"अब छिट्टै सातै प्रदेशमा तालिम विस्तार गर्ने तयारीमा छौँ ।" उच्च बारका अध्यक्ष चित्र बहादुर शाहीको अध्यक्षतामा कार्यक्रम सम्पन्न भएको हो ।

प्रकाशित मिति: मंगलबार, भदौ १८, २०८१ २१:३०