स्थायित्वका लागि शासकीय स्वरुप र निर्वाचन प्रणाली बदल्नुपर्दछः यादव

राजनीति

गृहपृष्ठ
राजनीति
स्थायित्वका लागि शासकीय स्वरुप र निर्वाचन प्रणाली बदल्नुपर्दछः यादव

स्थायित्वका लागि शासकीय स्वरुप र निर्वाचन प्रणाली बदल्नुपर्दछः यादव

बिहीबार, भदौ २७, २०८१ बागेश्वरी पोस्ट

नेपालगञ्ज । जनता समाजवादी पार्टी (जसपा) नेपालका अध्यक्ष उपेन्द्र यादवले राजनीतिक स्थायित्वका लागि संविधान संशोधन आवश्यक रहेको बताएका छन् ।

नेपालगञ्जमा आज जसपा नेपाल लुम्बिनी प्रदेश समितिले आयोजना गरेको अगुवा कार्यकर्ता प्रशिक्षण कार्यक्रमलाई सम्बोधन गर्दै अध्यक्ष यादवले आफ्नो पार्टीले पहिलेदेखि नै संविधान संशोधनको मुद्दा उठाउँदै आएको स्मरण गराउँदै अहिले मुलुकका दुई ठूला दल सत्तारुढ कांग्रेस र एमालेबाट पनि संविधान संशोधन गर्ने कुरा आउनु सुखद रहेको बताए । विकास, स्थिरता र सुशासनका लागि शासकीय स्वरुपमा पनि संशोधन गर्नुपर्ने यादवको भनाई छ । निर्वाचन प्रणालीमा पनि सुधार आवश्यक रहेको भन्दै उनले पूर्ण समानुपातिक पद्धति अबलम्बन गर्नु देशका लागि हितकर हुने बताए ।

उनले मुलुकमा भ्रष्टाचार, घुसखोरी र कमिशनको खेल मौलाएको जिकिर गर्दै सुशासन कमजोर बन्दै गइरहेको जिकिर गरे । "मधेशमा जनविद्रोह नभएको भए नेपालमा संघियता, गणतन्त्र र सभावेशिता सम्भव हुन्थेन," यादवले भने-"जनतालाई अधिकार सम्पन्न बनाउन तत्कालीन मधेशी जनअधिकार फोरमको योगदान छ ।" मधेश जनआन्दोलनमा नेपालगञ्जको अग्रणी र महत्वपूर्ण भूमिका रहेको उनको भनाई छ ।

जसपा नेपालका महासचिव रामकुमार शर्माले आफ्नो पार्टीले पार्टी निर्माणका लागि चार महिने अभियान थालेको बताउँदै चार महिनामा पाँच लाख पार्टी सदस्य बनाउने उद्घोष गरे । प्रशिक्षण कार्यक्रममा केन्द्रीय सचिव कमरुद्दिन राई, केन्द्रिय सदस्यहरु इश्तियाक अहमद शाह, अम्बिका काफ्ले लगायतले सम्बोधन गरेका थिए ।

प्रकाशित मिति: बिहीबार, भदौ २७, २०८१ १९:१९