राप्तीसोनारी मोटरसाइकल दुर्घटना: मृतकको संख्या तीन पुग्यो

समाचार

गृहपृष्ठ
समाचार
राप्तीसोनारी मोटरसाइकल दुर्घटना: मृतकको संख्या तीन पुग्यो

राप्तीसोनारी मोटरसाइकल दुर्घटना: मृतकको संख्या तीन पुग्यो

बिहीबार, असोज ३, २०८१ बागेश्वरी पोस्ट

नेपालगनन्ज । बाँकेमा मोटरसाइकल दुर्घटना हुँदा तीन जनाको मृत्यु भएको छ भने दुई जना घाइते भएका छन् ।

राप्तीसोनारी गाउँपालिका ४ लालपुर चोकमा बुधबार अपरान्ह दुई वटा मोटरसाइकल एकआपसमा ठोक्किँदा राप्तीसोनारी ४ का ३५ वर्षीय रामशरण थारु, राप्तीसोनारी ३ खैरेनीका १८ वर्षीय बसन्त थारु र बर्दियाको राजापुर-४ घर भई हाल राप्तीसोनारी-४ धामपुर बस्ने ३१ वर्षीय अजय दहितको मृत्यु भएको इलाका प्रहरी कार्यालय धामपुरले जनाएको छ ।

प्रहरीका अनुसार भे १२ प ३९९५ र भे १२ प ४८२८ नम्बरको मोटरसाइकल एकआपसमा ठोक्किँदा गम्भीर घाइते भएका तीन जनाको उपचारका क्रममा नेपालगन्ज मेडिकल कलेज शिक्षण अस्पताल नेपालगन्जमा मृत्यु भएको हो । रामशरण र बसन्तको बुधबार साँझ र अजयको गएराती मृत्यु भएको हो ।

त्यसैगरी भे १२ प ४८२८ नम्बरको मोटरसाइकलको पछाडि सवार राप्तीसोनारी-३ खैरेनीका १६ वर्षीय संगीत थारु र वडा नम्बर ३ खैरेनीकै २१ वर्षीय संजय थारु घाइते छन् । घाइतेहरुको नेपालगन्ज मेडिकल कलेजमा उपचार भइरहेको प्रहरीले जानकारी दिएको छ । तीब्र गतिका कारण दुर्घटना भएको बताइएको छ ।

प्रकाशित मिति: बिहीबार, असोज ३, २०८१ ०७:५७

प्रतिक्रिया दिनुहोस्