सचेतना अभिबृद्धिका लागि संविधान वाचन

समाचार

गृहपृष्ठ
समाचार
सचेतना अभिबृद्धिका लागि संविधान वाचन

सचेतना अभिबृद्धिका लागि संविधान वाचन

बिहीबार, असोज ३, २०८१ बागेश्वरी पोस्ट

नेपालगञ्ज । संविधानका बारेमा सचेतना अभिबृद्धिका लागि संविधान वाचन गरिएको छ । संविधान दिवसको अवसरमा आज एक कार्यक्रमका बीच पूर्ण संविधान वाचन गरिएको हो । सूचना र मानव अधिकार अनुसन्धान केन्द्र तथा सार्वजनिक सरोकार कानुन व्यवसायी समूह नेपालगञ्जको संयुक्त आयोजनामा संविधान वाचन कार्यक्रम गरिएको हो ।

कार्यक्रममा विभिन्न व्यक्तिहरुले संविधान वाचन गरेका थिए । नेपालको संविधान २०७२ मा रहेका कुल ३०८ धारा, ३५ भाग र ९ अनुसूची सबै वाचन गरिएको संस्थाका अध्यक्ष अधिबक्ता विश्वजित तिवारीले बताए । उनका अनुसार नेपालको संविधान तथा कानुन पढ्ने बानी बसाल्न र हरेक धारा तथा दफामा भएको व्यवस्थाबारे आम नागरिकमा सचेतना अभिबृद्धिका लागि संविधान वाचन गरिएको हो ।

बेला बेलामा संविधान परिमार्जन भएकाले कानुनका बारेमा थाहा पाउनका लागि वाचन जरुरी भएको सहभागीहरुले जोड दिएका थिए । कार्यक्रममा नेपालगञ्ज उपमहानगरपालिकाका प्रमुख प्रशान्त विष्ट, प्रमुख जिल्ला अधिकारी खगेन्द्र प्रसाद रिजाल, बाँके प्रहरी प्रमुख तुलबहादुर कार्की, उच्च अदालत बारका अध्यक्ष चित्रबहादुर शाही, जिल्ला बार अध्यक्ष मेहर सिंह खत्री, वरिष्ठ अधिबक्ता सुनिल कुमार श्रेष्ठ, अधिबक्ताहरु लोकबहादुर शाह, बसन्त गौतम, बलबहादुर चन्द, मिरा ददेल, भानुभक्त रिजाल, कृषि ज्ञान केन्द्र नेपालगञ्जका सूचना अधिकारी रामप्रकाश यादव, लुम्विनी प्रदेश मुख्यमन्त्री कार्यालयका लेखा अधिकृत दिनेश सिंहले संविधान वाचन गरेका थिए ।

प्रकाशित मिति: बिहीबार, असोज ३, २०८१ २०:२४

प्रतिक्रिया दिनुहोस्