शीघ्र स्थानान्तरण सम्बन्धि कृत्रिम घटना अभ्यास सम्पन्न

समाचार

गृहपृष्ठ
समाचार
शीघ्र स्थानान्तरण सम्बन्धि कृत्रिम घटना अभ्यास सम्पन्न

शीघ्र स्थानान्तरण सम्बन्धि कृत्रिम घटना अभ्यास सम्पन्न

आइतबार, असोज ६, २०८१ बागेश्वरी पोस्ट

नेपालगञ्ज । सामाजिक सेवा दिवसका अवसरमा बाढी पूर्व सूचनामा आधारित पूर्व कार्यका गतिबिधिहरू अन्तर्गत शीघ्र स्थानान्तरण सम्बन्धि कृत्रिम घटना अभ्यास गरिएको छ ।

डुडुवा गाउँपालिका वडा नम्बर १ चौफेरीको सामुदायिक भवनमा नेपाल रेडक्रस सोसाइटी बाँके शाखाको आयोजनामा भएको कार्यक्रममा बोडर चौफेरी र कृषि चौफेरीका समुदायको सहभागिता रहेको थियो । यसैगरी सोही प्रकृतिको कृत्रिम घटना अभ्यास राप्तीसोनारी र नरैनापुर गाउँपालिकामा सम्पन्न भएको थियो । बाढी आउनु भन्दा पहिला पूर्व सूचना प्राप्त हुनासाथ समुदायलाई सतर्क गराउने र बाढी आउन सक्ने उच्च सम्भावना रहेको सूचना प्राप्त जोखिम समुदायका मानिस र उनीहरुको घरायसी सामान प्राथमिकताको आधारमा सुरक्षित स्थानमा समुदायकै अगुवाईमा स्थानान्तरण गर्ने गराउने अभिप्रायले समुदाय, वडा कार्यालय, स्थानीय विपद् व्यवस्थापन समितिको सहभागिता र नेपाल रेडक्रस सोसाइटीको सहजीकरणमा सम्पन्न भएको हो ।

May be an image of 6 people, hospital and tree

नेपाल रेडक्रस सोसाइटीद्वारा बाढी विपद्को उच्च जोखिम रहेका समुदायमा राप्तीसोनारी, नरैनापुर र डुडुवा गांउपालिकासंगको समन्वय र सहकार्यमा बाढी पूर्वानुमानमा आधारित पूर्व कार्यहरु सञ्चालन भइरहेको छ । राप्तीसोनारी गाउँपालिका वडा नम्बर ६ खल्लाटेपरी र ७ पिप्रहवा देउपुरा, नरैनापुर गाउँपालिका वडा नम्बर ६ भोजपुर र गंगापुर तथा डुडवा गाउँपालिका वडा नम्बर १ कृषि र बोडर चौफेरीमा कार्यक्रम सञ्चालन भइरहेको छ । कृत्रिम घटना अभ्यासमा पूर्व सूचना सन्देश प्रवाह, सामुदासिक विपद् व्यवस्थापन समितिको बैठक, पानी निकासका लागि नाला सरसफाई, पानी शुद्धिकरण विधि, सुरक्षित अस्थायी आवास निर्माण, अपाङ्गगमैत्री शौचालय, खानेपानीको व्यवस्थापन, संकटासन्न व्यक्तिहरुलाई सुरक्षित स्थानमा स्थानान्तरण लगायत परिदृष्य समावेश गरिएको थियो ।

May be an image of 10 people and text

कार्यक्रममा नेपाल रेडक्रस सोसाइटी बाँके शाखा सभापति गोवद्र्धन सिंह सम्झना, मन्त्री अजिज अहमद सिद्दिकी, कोषाध्यक्ष राकेश बहादुर श्रीवास्तव, विपद् व्यवस्थापन समिति संयोजक नरेन्द्र कुमार पौडेल, नरैनापुर गाउँपालिका वडा नम्बर ६ का वडा अध्यक्ष प्रेमचन्द्र मौर्य, राप्तीसोनारी गाउँपालिका वडा नम्बर ६ का लवराज खरेल, ७ का वडा अध्यक्ष रामलखन थारु, स्थानीय आपतकालीन कार्यसंचालन केन्द्रका प्रतिनिधि, नेपाल रेडक्रस सोसाइटी राप्तीसोनारी उपशाखा सभापति यज्ञनारायण शर्मा, बेतहनी उपशाखा सभापति सोहनलाल यादव र गंगापुर उपशाखा सचिव शालिकराम साहु लगायत समुदायको सहभागिता रहेको थियो भने सहजकर्ताहरुमा नेपाल रेडक्रस सोसाइटी बाँके शाखाका उपनिर्देशक दोलखबहादुर डाँगी, लेखा अधिकृत झविलाल शर्मा, कार्यक्रम अधिकृत प्रहलाद विश्वकर्मा र सूचना व्यवस्थापन अधिकृत रुपन ज्ञवाली रहेका थिए ।

प्रकाशित मिति: आइतबार, असोज ६, २०८१ २०:२०

प्रतिक्रिया दिनुहोस्