पिर्काले हानेर छोराले गरे बुवाको हत्या

समाचार

गृहपृष्ठ
समाचार
पिर्काले हानेर छोराले गरे बुवाको हत्या

पिर्काले हानेर छोराले गरे बुवाको हत्या

सोमबार, असोज ७, २०८१ बागेश्वरी पोस्ट

नेपालगन्ज । बाँकेमा पिर्काले हानेर छोराले बुवाको हत्या गरेका छन् । कोहलपुर नगरपालिका ८ पिपरीका ७० वर्षका नैन सिंह क्षेत्रीलाई छोरा दिप बहादुर क्षेत्रीले पिर्काले हानेर हत्या गरेको इलाका प्रहरी कार्यालय कोहलपुरका प्रमुख प्रहरी नायब उपरीक्षक धर्मराज भण्डारीले जानकारी दिए । असोज २ गते राति बावु र छोराको झगडा परेपछि आफ्नै छोराले बुवालाई पिर्काले हानेर हत्या गरेका हुन् ।

प्रारम्भिक अनुसन्धानमा राति दुवै जनाले रक्सी खाएको र केही समयपछि झगडा भएको देखिएको प्रहरीले जनाएको छ । पिर्का प्रहारबाट गम्भीर घाइते भएका क्षेत्रीको उपचारको क्रममा असोज ३ गते नेपालगञ्ज मेडिकल कलेजमा मृत्यु भएको प्रहरी प्रमुख भण्डारीले जानकारी दिए । छोरा दिप बहादुरलाई प्रहरीले पक्राउ गरेको छ ।

प्रकाशित मिति: सोमबार, असोज ७, २०८१ १६:०५

प्रतिक्रिया दिनुहोस्