निर्माण व्यवसायीले ४५ अर्ब भुक्तानी माग्दै कार्यवाहक प्रधानमन्त्री सिंहलाई ज्ञापनपत्र

राजनीति

गृहपृष्ठ
राजनीति
निर्माण व्यवसायीले ४५ अर्ब भुक्तानी माग्दै कार्यवाहक प्रधानमन्त्री सिंहलाई ज्ञापनपत्र

निर्माण व्यवसायीले ४५ अर्ब भुक्तानी माग्दै कार्यवाहक प्रधानमन्त्री सिंहलाई ज्ञापनपत्र

बुधबार, असोज ९, २०८१ बागेश्वरी पोस्ट

काठमाडौं । नेपाल निर्माण व्यवसायी महासंघले ४५ अर्ब भुक्तानी माग गर्दै कार्यवाहक प्रधानमन्त्री प्रकाशमान सिंहलाई ज्ञापनपत्र बुझाएका छन् । महासंघका अध्यक्ष रवि सिंहले शहरी विकास मन्त्री समेत रहेका सिंहलाई आज भेटेर निर्माण व्यवसायीहरुले भुक्तानी माग गर्दै ज्ञापनपत्र बुझाएका हुन् ।

राज्यबाट निर्माण व्यवसायीलाई भुक्तानी गर्ने दायित्व करिब ४५ अर्ब रुपैयाँ रहेको र त्यो उपलब्ध गराइदिन उनीहरूले ज्ञापनपत्रमार्फत माग गरेका हुन् ।

निर्माण व्यवसायीहरुले राष्ट्रिय गौरवका आयोजना, राष्ट्रिय प्राथमिकता प्राप्त आयोजना, संघीयबाट प्रदेश र स्थानीय सरकारमा हस्तान्तरण भएको आयोजना, स्थानीय अस्पताल लगायतका आयोजनाको भुक्तानी नपाएको बताउँदै आएका छन् ।

काम गरे अनुसारको रकम नपाउँदा निर्माण आपूर्ति चक्र नै अस्तव्यस्त भएको र निर्माण सम्बन्धि उद्योगहरु नै बन्द हुने अवस्था भएको व्यवसायीहरुले पटक–पटक गुनासो गर्दै आएका छन् ।

प्रकाशित मिति: बुधबार, असोज ९, २०८१ १३:३९