स्थानीय तह उपनिर्वाचनका लागि आजदेखि दल दर्ता खुला

राजनीति

गृहपृष्ठ
राजनीति
स्थानीय तह उपनिर्वाचनका लागि आजदेखि दल दर्ता खुला

स्थानीय तह उपनिर्वाचनका लागि आजदेखि दल दर्ता खुला

बिहीबार, असोज १०, २०८१ बागेश्वरी पोस्ट

काठमाडौँ । निर्वाचन आयोगले आसन्न स्थानीय तह उपनिर्वाचनका लागि आजदेखि दल दर्ता खुला गर्दैछ । उपनिर्वाचनलाई व्यवस्थित रुपले सञ्चालन गर्न आयोग र अन्तर्गतका कार्यालयले सम्पादन गर्ने कार्यलाई समयबद्ध रुपमा समावेश गरी कार्यतालिका तयार गरेको आयोगका प्रवक्ता नारायणप्रसाद सापकोटाले जानकारी दिए ।

कार्यतालिका अनुसार असोज ९ देखि निर्वाचन प्रयोजनका लागि राजनीतिक दल दर्ताको सूचना प्रकाशित गरी असोज १० देखि १६ सम्म दल दर्ता र २० गते दल दर्ता स्वीकृत हुनेछ ।

यस्तै निर्वाचनसम्बन्धि निर्देशिका, कार्यविधि, मापदण्ड तथा आचारसंहिता तयारी गर्ने, निर्वाचन सामग्री, जनशक्ति व्यवस्थापन, मतदाता शिक्षा, तालिम तथा क्षमता विकास लगायतका कार्यक्रम सञ्चालन गर्ने आयोगले जनाएको छ ।

आगामी कात्तिक २६ गते मतदाताको अन्तिम नामावली प्रकाशन गर्ने तथा मतदानस्थल निर्धारण, कात्तिक ३० गते निर्वाचन अधिकृतको कार्यालय स्थापना, आगामी मङ्सिर २ देखि निर्वाचन कार्यक्रम सञ्चालन र मङ्सिर १६ गते मतदान हुनेछ ।

प्रकाशित मिति: बिहीबार, असोज १०, २०८१ १०:१८

प्रतिक्रिया दिनुहोस्