राप्तीसोनारीमा फेरि मोटरसाइकल जुधे, एक जनाको मृत्यु, एक घाइते

समाचार

गृहपृष्ठ
समाचार
राप्तीसोनारीमा फेरि मोटरसाइकल जुधे, एक जनाको मृत्यु, एक घाइते

राप्तीसोनारीमा फेरि मोटरसाइकल जुधे, एक जनाको मृत्यु, एक घाइते

बिहीबार, असोज १०, २०८१ बागेश्वरी पोस्ट

नेपालगञ्ज । बाँकेमा मोटरसाइकल दुर्घटना हुँदा एक जनाको मृत्यु भएको छ । अर्का एक जना घाइते भएका छन् । राप्तीसोनारी गाउँपालिकाको बैजापुरमा आज मध्यान्ह दुई वटा मोटरसाइकल एक आपसमा जुध्दा नेपालगञ्ज उपमहानगरपालिका वडा नम्बर १९ आलानगरका ३९ बर्षीय लोक बहादुर बन्शी मगरको मृत्यु भएको हो । गम्भीर घाइते बन्शी मगरलाई अस्पताल पुर्याइए लगत्तै चिकित्सकले मृत घोषणा गरेका थिए ।

जिल्ला प्रहरी कार्यालय बाँकेका अनुसार विपरीत दिशाबाट आइरहेका भे ७ प ४३४० नम्बरको मोटरसाइकल र अर्को एक मोटसाइकल ठोक्किँदा राप्तीसोनारी ६ छट्कपुर बस्ने २९ बर्षीय राधेश्याम थारु घाइते भएका छन् । थारुको नेपालगञ्ज मेडिकल कलेज शिक्षण अस्पताल नेपालगञ्जमा उपचार भइरहेको प्रहरीले जनाएको छ । उनको अवस्था मध्यम रहेको बताइएको छ । दुबै जना मोटरसाइकल चालक हुन् । यसअघि पनि केही दिन अगाडि मात्र राप्तीसोनारी ४ लालपुरमा दुई मोटरसाइकल जुध्दा तीन जनाको मृत्यु भएको थियो ।

प्रकाशित मिति: बिहीबार, असोज १०, २०८१ १५:०३

प्रतिक्रिया दिनुहोस्