विपदले निम्त्याएको कहरः देशभर १३२ जनाको मृत्यु, ६३ जना बेपत्ता

समाचार

गृहपृष्ठ
समाचार
विपदले निम्त्याएको कहरः देशभर १३२ जनाको मृत्यु, ६३ जना बेपत्ता

विपदले निम्त्याएको कहरः देशभर १३२ जनाको मृत्यु, ६३ जना बेपत्ता

आइतबार, असोज १३, २०८१ बागेश्वरी पोस्ट

नेपालञ्ज । वर्षाका कारण आएको बाढीपहिरो र डुबानमा परी हालसम्म १ सय ३२ जनाको मृत्यु भएको छ । यस्तै ६३ जना बेपत्ता हुँदा ७६ जना घाइते भएका छन् ।

गृह मन्त्रालयका अनुसार हालसम्म करिब ३५ सय जनाको उद्धार गरिएको छ । गृह मन्त्रालयका प्रवक्ता एवं सहसचिव ऋषिराम तिवारीले काभ्रेबाट १ सय २४ जना भन्दा बढीको हवाई उद्धार गरी सुरक्षित स्थानमा सारिएको जानकारी दिए ।बाढीपहिरो र डुबानमा परेकाहरूको उद्धार र राहतको कामलाई सरकारले तीव्र बनाएको छ । नेपाली सेनाको हेलिकप्टरमार्फत बाढीपहिरो, डुबान तथा प्राकृतिक जोखिममा परेकाहरूको उद्धार गर्ने काम भइरहेको गृह मन्त्रालयले जनाएको छ ।

गृह मन्त्रालयका प्रवक्ता तिवारीले बाढीपहिरोका कारण अवरुद्ध राजमार्ग खुलाउन सबै संयन्त्र परिचालन गरिएको बताए । सरकारले सुरक्षा संयन्त्र र सरोकारवाला निकायलाई उद्धार, राहत, घाइतेको स्वास्थ्य उपचार र अवरुद्ध सडक यथाशीघ्र सञ्चालनमा ल्याउन तदारुकताका साथ लाग्न निर्देशन दिइसकेको छ ।

सरकारले देशभर मनसुनजन्य घटनाबाट प्रभावित भएकाहरूको खोज तथा उद्धार र राहतमा सबै सुरक्षा निकायहरू समन्वयात्मक रुपमा परिचालिन हुन्, खोज तथा उद्धारमा नेपाली सेनाको हेलिकप्टर लगायत, केन्द्र, प्रदेश, जिल्ला र स्थानीयस्तरमा उपलब्ध सबै उपकरण र साधनको प्रयोग गर्न निर्देशन दिएको छ ।

यसैगरी अवरुद्ध सडक अविलम्ब सञ्चालनमा ल्याउन, घाइतेहरूको निःशुल्क उपचारको व्यवस्था मिलाउन र प्रभावितहरूको पुनर्स्थापनाका लागि योजना बनाई कार्यान्वयन गर्न पनि सरकारले निर्देशन दिएको छ ।

प्रकाशित मिति: आइतबार, असोज १३, २०८१ १५:२३

प्रतिक्रिया दिनुहोस्