विपद कहर: मृत्यु हुने २१८ पुगे, २७ जना बेपत्ता

समाचार

गृहपृष्ठ
समाचार
विपद कहर: मृत्यु हुने २१८ पुगे, २७ जना बेपत्ता

विपद कहर: मृत्यु हुने २१८ पुगे, २७ जना बेपत्ता

मंगलबार, असोज १५, २०८१ बागेश्वरी पोस्ट

नेपालगन्ज । गृहमन्त्री रमेश लेखकले बाढीपहिराेमा परी देशभर २ सय १८ जनाको मृत्यु, २७ बेपत्ता र १ सय ४३ जना घाइते भएको जानकारी दिएका छन् । लेखकले विपद्पछिको प्रतिकार्यलाई सरकारले उच्च प्राथमिकतामा राखेर काम गरिरहेको स्पष्ट पारेका छन् ।

प्रतिनिधिसभा राज्य व्यवस्था तथा सुशासन समितिको आजको बैठकमा उनले विपद्मा परेका नागरिकको खोज तथा उद्धार र राहतमा सरकार केन्द्रित भएको बताए । उनले घाइतेको निःशुल्क उपचार र पहिरोका कारण अवरुद्ध मुख्य राजमार्ग र सहायक राजमार्ग खोलेर आवागमन सहज बनाउनेतर्फ सरकार केन्द्रित भएको जानकारी दिए ।

“खोज तथा उद्धार जारी छ । राहत सामग्री वितरणको कार्य पनि जारी छ । सरकारी अस्पतालमा घाइतेको निःशुल्क उपचार भइरहेको छ । राहत सामग्री परिचालन र पुनःस्थापनालाई प्रभावकारी बनाउन जिल्ला विपद् व्यवस्थापन समिति सक्रियतापूर्वक लागेका छन्”, उनले भने ।

प्रकाशित मिति: मंगलबार, असोज १५, २०८१ १५:१०

प्रतिक्रिया दिनुहोस्