दसैँमा बिहान साढे चार बजेदेखि रातिसम्मै आन्तरिक उडान

राजनीति

गृहपृष्ठ
राजनीति
दसैँमा बिहान साढे चार बजेदेखि रातिसम्मै आन्तरिक उडान

दसैँमा बिहान साढे चार बजेदेखि रातिसम्मै आन्तरिक उडान

बुधबार, असोज १६, २०८१ बागेश्वरी पोस्ट

काठमाडौं । संस्कृति, पर्ययटन तथा नागरिक उड्डन मन्त्री बद्री पाण्डेले घटस्थापनादेखि पूर्णिमाको दिनसम्म रात्रिकालीन उडानको व्यवस्था मिलाएको जानकारी दिएका छन् ।

मन्त्री पाण्डेले हवाई टिकटमा सहजता र भाडामा न्यूनता ल्याउने गरी रात्रिकालीन उडानको व्यवस्था मिलाएको दाबी गरेका हुन् ।

मन्त्री पाण्डेले भने, ‘बाढी पहिरो तथा चाडपर्वका कारण सिर्जित बढ्दो हवाई चापलाई सम्बोधन गर्न घटस्थापनादेखि असोज ३० गते पूर्णिमाको दिनसम्म त्रिभुवन अन्तर्राष्ट्रिय विमानस्थल, गौतम बुद्ध विमानस्थल र पोखरा विमानस्थल लगायतमा रात्रिकालीन उडानको व्यवस्था मिलाइएको छ ।’

सम्पूर्ण विमानस्थलमा बिहान साढे ४ बजेदेखि राति अबेरसम्म आवश्यकता अनुसार उडान हुने मन्त्री पाण्डेले बताए । बाढीपहिरोका कारण हवाई उडानमा चाप बढेको छ र जहाज कम्पनीहरुले भाडा बढाइरहेका छन् ।

प्रकाशित मिति: बुधबार, असोज १६, २०८१ १७:३२

प्रतिक्रिया दिनुहोस्